Main Panjoon Pe Chalti Rahi Baba Lyrics In Urdu and Roman Urdu
مَیں پنجوں پہ چلتی رہی باباؑ
Zindan Ki Tarekiyon Mein Apne Seene Se Lagaye Hoye Shabeer Ka Sar.
Sakina Kehti Thi Baba Suno Mera Safar.
Sab Ke They Shaney Bandhay Mera Bandha Tha Gala.
Aap Se Kaisay Kahon Kaisay Kata Woh Safar.
Aal-e-Payamber Chali Rotay Hoye Nangay Sar.
Aap Chaley Naizay Par Kanton Pe Bhai Chala.
Meri Phophi Rah Mein Ashk Bahati Rahi.
Zulm Rolatay Rahe Dhop Jalati Rahi.
Zakhm Mere Paon Ka Dhop Se Jalta Raha.
Mazi Ke Kuch Waqiaye Yaad Jo Aaye Mujhe.
Seene Pe Kaisay Mujhe Aap Sulatay Rahe.
Yadoon Mein Youn Kho Gayi Bhool Gayi Har Jafa.
Sabar Ka Daman Mere Hath Se Chota Nahi.
Naizay Se Kya Aap Ne Baba Yeh Dekha Nahi.
Khinchti Rahi Reesma Chalta Raha Qafila.
Aankh Barasney Lagi Qalb Howa Noha Gar.
Aaya Nazar Jab Mujhe Naizay Pe Asghar Ka Sar.
Roti Rahi Main Ossay Woh Mujhe Rota Raha.
Tum Ko Kafan De Diya Rait Ke Tofan Ne.
Baloon Se Pardah Kiya Meri Phophi Jan Ne.
Our Mere Dard Ka Koi Madawa Na Tha.
Rah Mein Ammo Ko Jab Dekha Tu Main Ne Kaha.
Khol Do Meri Rasan Gaud Mein Le Lo Chacha.
Dekh Ke Rotay Rahe Meri Aseeri Chacha.
Chain Muyassar Mujhe Aa Na Saka Aik Pal.
Zakhmi Gala Ho Gaya Our Mere Paon Shal.
Raat Safar Mein Kati Din Bhi Safar Mein Kata.
Baba Madine Ke Woh Din Bhi Mujhe Yaad Hain.
Sabz Amari Mein Jab Baith Ke Jati Thi Main.
Aaj Zara Dekhiye Kaisay Safar Tey Kiya.
Aik Rasan Mein Bandhay Chotay Baron Ke Galay.
Lashon Pe Rotay Hoye Karb-o-Bala Se Chaley.
Haal Mera Dekh Ke Roney Lagi Karbala.
:MAZHAR:-o-:IRFAN: Tum Noha Parho Iss Tarha.
Sham Ke Zindan Mein Bibi Meri Jis Tarha.
Dekh Ke Baba Ka Sar Karti Thi Aah-o-Boka.
Poet: :Mazhar Abidi:
NohaKhuwan: :Irfan Haider:
Noha Volume: :Irfan Haider 2003-04:
#MainPanjoonPeChaltiRahiBaba
#NohayLyrics
#tajpoint
