Manazrah Ya Mehdi Shahid Baltistani Lyrics Urdu 2021

Manazrah Ya Mehdi Shahid Baltistani.

Ik Mufti Mujhe Dosto Kal Raat Mila Tha.
Mehdi Ka Mukhalif Tha Yeh Chehray Pe Likha Tha.
Emaan Pe Mere Zarb Lagane Pe Tulla Tha.
Main Oss Ke Iraday Pe Bohat Dil Mein Hansa Tha.
Kehta Tha Yeh Ghaibat Mujhe Afsana Lagay Hai.
Main Ne Bhi Kaha Tu Mujhe Dewana Lagay Hai.

Har Cheez Nazar Aaye Zarori Nahi Mufti.
Janat Bhi Nahi Dekhi Hai Eman Hai Phir Bhi.
Ashab-e-Kahf Par Bhi Tujhe Shak Nahi Koi.
Phir Kyun Na Zahanat Bhi Hansay Aqal Pe Teri.
Tu Jis Ko Gumaan Maan Raha Hai Woh Yaqeen Hai.
Shetan Ka Qayal Tu Hai Mehdi Ka Nahi Hai.

Yeh Suntay Hi Marne Laga Woh Bugz Ka Mara.
Baaz Aaya Nahi Phir Bhi Woh Shetan Ka Pyara.
Ik Bar Kiya Phir Ossay Zillat Ne Ishara.
Our Hath Rakhay Dil Pe Woh Chalaya Bchara.
Iss Waqt Bata Mujh Ko Tera Mehdi Kahan Hai.
Main Ne Kaha ALLAH Jahan Hai Woh Wahan Hai.

Woh Kan Pakar Kar Yeh Pukara Aray Toba.
Mehdi Ko Tu ALLAH Ke Jaisa Hai Samjhta.
Main Ne Kaha Parh Likh Ke Bhi Jahil Hi Rahe Na.
ALLAH Nahi Hain Wali ALLAH Hain Maula.
Woh Parday Mein Reh Kar Yeh Sikhatay Hain Khuda Hai.
Mehdi Hi Zamane Ko Batatay Hain Khuda Hai.

ALLAH Ke Badan Ka Nahi Qayal Mera Firqa.
Zahir Mein Na Hath Oss Ke Na Aankhein Hain Na Chehra.
Lekin Yeh Khudai Jo Chalani Thi Aye Mulla.
Kam Oss Ne Yeh Kuch Hathoon Ko Kuch Aankhon Ko Sonpa.
ALLAH Ke Naib Hain Sajatay Hain Khudai.
Khaliq Ki Madad Se Woh Chalatay Hain Khudai.

Kehne Laga Acha Yeh Hai Asal Mein Chakar.
Main Ne Kaha Chakraney Lagay Sheikh Jee Sun Kar.
Kehne Laga Yeh Aqal Se Mantaq Se Hai Bahir.
Gayarah So Baras Se Ho Koi Zindah Zameen Par.
Main Ne Kaha Kyun Aqal Mein Teri Nahi Aate.
Esa Tu Samajh Aate Hain Mehdi Nahi Aatay?.

Woh Bola Ab Itna Bhi Galu Theek Nahi Hai.
Esa Tu Nabi Hain Yeh Guru Theek Nahi Hai.
Mehdi Hain Ali Par Yeh Aalu Theek Nahi Hai.
Main Ne Kaha Main Theek Hoon Tu Theek Nahi Hai.
Esa Ko Jo Mehdi Se Barhaon Tu Galu Hai.
Woh Sirf Paseena Yeh Muhammad Ka Lahu Hai.

Taseer-e-Lahu Sun Ke Hoye Lal Woh Hazrat.
Kehne Lagay Yeh Hath Mein Kya Hai Tere Bidat.
Main Ne Kaha Bidat Nahi Tehreer-e-Muhabbat.
Naam Iss Ka Areeza Yeh Hai Parwana-e-Qismat.
Woh Bola Keh Had Ho Gayi Aisa Bhi Kahin Hai.
Kyun Likhtay Ho Jab Khat Yeh Pohanchta Hi Nahi Hai.

Ik Lamhey Ko Khamosh Howa Main Bhi Yeh Sun Kar.
Woh Samjha Keh Lo Phans Gaya Aakhir Mein Yeh Kafir.
Main Ne Kaha Dil Mein Keh Madad Haider-e-Safdar.
Jari Yeh :TAKALLUM: Howa Phir Mere Labon Par.
Jis Tarha Pohanchti Hai Dua Rab-e-Olla Tak.
Jata Hai Areeza Bhi Younhi Dast-e-Khuda Tak.

Poet: :Mir Takallum Mir:
Manqabat Khuwan: :Shahid Baltistani:
Manqabat Volume: :Shahid Baltistani 2020-21:
Composition: :Shahid Baltistani:

#ManazrahYaMehdi
#ManqabatLyrics
#tajpoint

New Manqabat Manazrah Ya Mehdi Shahid Baltistani

15 Shaban Manqabat Manazrah Ya Mehdi Shahid Baltistani

Imam e Zamana Manqabat Manazrah Ya Mehdi Shahid Baltistani

Manazrah Ya Mehdi Shahid Baltistani Lyrics Urdu 2021