Tadfeen Shahzadi Sakina Syed Raza Abbas Lyrics 2021

Tadfeen Shahzadi Sakina Syed Raza Abbas Zaidi

Biyan Karta Hoon Zindaan Mein Kya Qayamat Thi.
Ghareeb Baba Se Jis Dam Ghareeb Beti Mili.
Woh Apne Baba Ke Sar Se Lipat Ke Roney Lagi.
Tarap Ke Li Jo Sakina Ne Aakhri Hichki.
Kaleja Phatta Hai Kaisay Sunaon Woh Manzar.
Rakhay They Beti Ne Rukhsar Baap Ke Munh Par.

Andheri Qaid Mein Phir Kya Howa Suno Aagay.
Behan Ko Dekha Jo Baba Ke Sar Se Liptay Hoye.
Tarap Ke Bali Sakina Ke Pas Aa Pohanchay.
Jo Nabz Dekhi Tu Sajjad Ne Kaha Ro Ke.
Utha Rahi Thi Jo Gham Ab Woh Thak Gayi Gham Se.
Phophi Hamari Sakina Bichar Gayi Hum Se.

Larz Raha Tha Woh Zindan Aah-o-Giriya Se.
Yeh Bolay Abid-e-Muztar Ghareeb-e-Zahra Se.
Churaon Kaisay Main Sar Aap Ka Sakina Se.
Mili Hai Kitne Dino Baad Apne Baba Se.
Bohat Ghareeb Hoon Yeh Gham Utha Na Paon Ga.
Behan Ki Gaud Se Main Sar Chura Na Paon Ga.

Sar-e-Hussain Choraya Jo Ya Ali Keh Kar.
Kaha Sakina Se Tum Par Salam Aye Khwahar.
Na Jane Kitne Hain Ahsan Aap Ke Mujh Par.
Yeh Bhai Kaisay Utaray Ga Qabar Ke Andar.
Yeh Dekho Jakra Hai Zanjeer Mein Hamara Badan.
Tumhara Lasha Na Bhai Se Uth Sakay Ga Behan.

Sitamgaron Ne Jo Karb-o-Bala Mein Bandhi Thi.
Galay Mein Ho Gayi Paiwast Haye Woh Rasi.
Chini Thi Baliyaan Hain Kan Aaj Bhi Zakhmi.
Sitam Ki Had Yeh Hoi Aap Mar Gayin Pyasi.
Ayyaan Hain Chehray Pe Ab Tak Nishaan Tamachon Ke.
Chupaon Kaisay Bhala Main Yeh Neel Galon Ke.

Woh Rah-e-Sham Woh Ghurbat Bhulaon Main Kaisay.
Ik Aisa Moor Tha Ghazi Ka Sar Tha Naizay Pe.
Jab Unkey Samne La Kar Pakar Ke Baloon Se.
Tamachay Marey They Zalim Ne Tum Ko Hans Hans Ke.
Laeen Kehta Tha Abbas Ab Na Aaye Ga.
Nahi Hai Koi Jo Durron Se Ab Bachaye Ga.

Pukarein Lash-e-Sakina Pe Zainab-e-Muztar.
Yeh Karbala Mein Qayamat Guzar Gayi Tum Par.
Phophi Ke Sath Khari Dekhti Rahi Manzar.
Chalaya Bhai Ke Sokhay Galay Pe Jab Khanjar.
Kaha Yeh Bhai Ne Do Mera Sath Aye Zainab.
Rakho Sakina Ki Aankhon Pe Hath Aye Zainab.

Phophi Bhatijay Se Kehti Thin Mat Karo Faryad.
Tumhara Sath Main Deti Hoon Syed-e-Sajjad.
Pari Hai Hum Pe Qayamat Se Bhi Bari Uftad.
Tumhari Tarha Mere Hath Bhi Nahi Aazad.
Hai Ab Yeh Sham Ka Zindan Hi Watan Iss Ka.
Yehi Jala Howa Kurta Hai Ab Kafan Iss Ka.

Kaha Yeh Sani-e-Zahra Ne Bibiyon Aao.
Janaza Bali Sakina Ka Sath Uthwao.
Jo Apne Baba Ko Roti Thi Oss Ko Dafnao.
Nahi Hai Pani Tu Turbat Pe Ashk Barsao.
Woh Raat Aayi Thi :ZEESHAN: Our :RAZA: Kaisi.
Lehad Mein So Gayi Beti Ghareeb-e-Zahra Ki.

Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2021-22:
Composition: :Syed Raza Abbas Zaidi:

#TadfeenShahzadiSakina
#NohayLyrics
#tajpoint

13 Safar Noha Tadfeen Shahzadi Sakina Syed Raza Abbas Zaidi

Bibi Sakina SA Noha Tadfeen Shahzadi Sakina Syed Raza Abbas Zaidi

Zeeshan Abidi Noha Tadfeen Shahzadi Sakina Syed Raza Abbas

Tadfeen Shahzadi Sakina Syed Raza Abbas Lyrics 2021