Ghareeb Ka Ghareeb Sar Syed Raza Abbas Zaidi Lyrics 2021
Ghareeb Ka Ghareeb Sar Syed Raza Abbas Zaidi.
Kabhi Yeh Shereen Ke Ghar Mila Hai.
Kabhi Yeh Rahib Ke Ghar Gaya Hai.
Kabhi Shajar Pe Rasan Se Bandha.
Kabhi Yeh Sandooq Mein Rakha Hai.
Na Jane Iss Ka Safar Hai Kaisa.
Nahi Hai Mazloom Koi Aisa.
Ghareeb Ka Yeh Ghareeb Sar Hai Jo Dar Badar Hai.
Hai Reesh Jis Ki Lahu Mein Dobi.
Ragein Bhi Sokhi Hoi Hain Jis Ki.
Bhari Hai Zulfoon Mein Khak Haye.
Katay Hain Lab Our Jabeen Hai Zakhmi.
Ayyaan Hain Chehray Se Gham Bala Ke.
Ho Jaisay Mara Rula Rula Ke.
Chala Tha Jis Waqt Iss Pe Khanjar.
Tha Gaud Mein Fatima Ki Yeh Sar.
Khari Thin Satar Qadam Pe Zainab.
Gira Yeh Sar Jab Zameen Pe Kat Kar.
Uthaya Zulfoon Se Shimar Ne Sar.
Tapak Raha Tha Lahu Zameen Par.
Sawar Nook-e-Sina Pe Ho Kar.
Chala Hai Karb-o-Bala Se Yeh Sar.
Nazar Hai Akbar Ke Sar Ki Janib.
Ajeeb Ghurbat Ka Hai Yeh Manzar.
Karey Yeh Akbar Se Jab Bhi Batein.
Tu Khon Roti Hain Iss Ki Aankhein.
Nazar Paray Jab Behan Ke Sar Par.
Pukarey Abbas Ko Tarap Kar.
Tamachay Jab Bhi Sakina Khaye.
Zameen Pe Gir Jaye Haye Yeh Sar.
Koi Jo Abid Pe Zulm Dhaye.
Pukarey Naizay Se Haye Haye.
Giri Thi Naqay Se Jab Sakina.
Wahin Yeh Sar Bhi Thehar Gaya Tha.
Nazar Na Aayi Jab Iss Ko Beti.
Tarap Ke Zainab Ki Simt Dekha.
Kaha Yeh Zainab Se Jald Jao.
Meri Sakina Ko Dhond Lao.
Yeh Sar Jo Kholi Ke Hath Aaya.
Ajeeb Zalim Ne Zulm Dhaya.
Ghar Oss Ke Zahra Tarap Ke Pohanchin.
Jab Oss Ne Tandoor Mein Chupaya.
Kiye Jo Zahra Ne Bain Ro Kar.
Tarap Raha Tha Hussain Ka Sar.
Sitam Yeh Darbar Mein Howa Tha.
Ghareeb Sar Tasht Mein Rakha Tha.
Yazid Dandan-e-Shah-e-Dein Par.
Chari Ko Hans Hans Ke Marta Tha.
Sakina Abid Ko Dekhti Thin.
Padar Ki Ghurbat Pe Ro Rahi Thin.
Hai Sham Ki Qaid Ka Yeh Manzar.
Mila Sakina Ko Baap Ka Sar.
:RAZA:-o-:ZEESHAN: Thi Qayamat.
Kaha Sakina Ne Jab Lipat Kar.
Naseeb Kya Ho Gaya Hamara.
Hai Mere Seene Pe Sar Tumhara.
Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2021-22:
Composition: :Syed Raza Abbas Zaidi:
#GhareebKaGhareebSar
#NohayLyrics
#tajpoint
Ghareeb Ka Ghareeb Sar Syed Raza Abbas Zaidi Lyrics 2021 Write Up Poster Image
