Fatima Roti Rahi Mir Hasan Mir Lyrics In Urdu 2022
Fatima Roti Rahi Mir Hasan Mir Lyrics
Kalma Go Hanstay Rahe Fatima Roti Rahi.
Jaltay Darwazay Talay Siskiyaan Leti Rahi Haye Maa Zainab Ki.
Itni Be Bas Thi Madine Mein Nabi Ki Dukhtar.
Jalta Darwaza Kissi Ne Na Uthaya Aa Kar.
Haye Kaisa Tha Sitam Rakh Ke Quraan Pe Qadam.
Aa Gaye Ghar Mein Shaqi.
Tanay Suntay They Yeh Bazar Mein Logon Se Ali.
Iss Ne Mara Tha Hamarey Hi Bazurgon Ko Kabhi.
Hum Ne Youn Badlah Liya Qatal Zahra Ko Kiya.
Kuch Na Kar Paya Ali.
Jaisay Qassab Zabihey Ko Liye Jate Hain.
Aisay Haider Ko Laeen Khainch Ke Le Aate Hain.
Aagay Aagay Hain Ali Pichey Pichey Woh Chali.
Jo Hai Zakhmo Se Bhari.
Yaad Jab Aata Hai Dil Hota Hai Parah Parah.
Kaisay Hasnain Ki Madar Ko Laeen Ne Mara.
Khon Aankhon Se Baha Sirf Ya Mehdi Kaha.
Our Zameen Par Woh Giri.
Sirf Pehlu Nahi Bazu Bhi Shikasta Ho Ga.
Tum Ne Kis Tarha Janazay Ko Sanbhala Ho Ga.
Kaisay Turbat Mein Rakha Tanha Maiyyat Ko Bhala.
Mere Mazloom Ali.
Baap Ki Qabar Pe Dewarein Pakar Kar Jana.
Our Rotay Hoye Oss Haal Mein Wapis Aana.
Iss Aziyat Ki Magar Hai Sakina Ko Khabar.
Fatima Kaisay Chali.
Sath Darbar Se Rotay Hoye Aate They Hasan.
Maa Ke Qadmo Ke Nishano Ko Mitatay They Hasan.
Oss Pe Yeh Zulm Howa Hath Zalim Ka Utha.
Khak Par Zahra Giri.
Jis Ghari Ho Gaya Rukhsar Mein Paiwast Gohar.
Ro Ke Kehta Raha Khud Se Abu Talib Ka Pisar.
Aisay Takta Na Tujhey Maut Aa Jati Mujhe.
Kash Aye Bint-e-Nabi.
Din Mein Jab Chand :TAKALLUM: Ka Wahan Jata Hai.
Tooti Qabron Pe Koi Saya Nazar Aata Hai.
Mujh Ko Lagta Hai Yehi Ab Bhi Hai Bint-e-Nabi.
Dhop Mein Bethi Hoi.
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2021-22:
Composition: :Waheed-ul-Hasan Kamaliya:
#AyameFatmiyah
#FatimaRotiRahi
#NohayLyrics
#tajpoint
Ayyame Fatamiya Noha Fatima Roti Rahi Mir Hasan Mir Lyrics
Fatima Roti Rahi Mir Hasan Mir Lyrics In Urdu 2022 Write Up Poster Image
