Maqtal Main Na Aati Abbas Syed Raza Abbas Zaidi Lyrics In Urdu and Roman Urdu
مقتل مِیں نہ آتی عباسؑ
Jab Chali Lut Ke Aseeri Ke Safar Par Zainab.
Jhirkiyaan Khati Rasan Basta Khulay Sar Zainab.
Lab-e-Darya Pe Jo Pohanchi Tu Qayamat Aayi.
Gir Pari Lashay Pe Ghazi Ke Yeh Keh Kar Zainab.
Mujh Ko Ghurbat Yeh Agar Din Na Dikhati Abbas.
Yeh Behan Khaimay Se Maqtal Mein Na Aati Abbas.
Hukam-e-Sajjad Muqaddam Tha Tu Bahir Aayi.
Warna Mumkin Na Tha Parday Se Nikalna Bhai.
Chahe Jaltay Hoye Khaimay Mein Qaza Aa Jati.
Samne Sham Ke Logon Ke Na Aati Abbas.
Lab-e-Darya Tere Bazu Jo Qalam Na Hotey.
Youn Rida Chinti Na Ghurbat Mein Behan Ke Sar Se.
Kash Hotey Jo Tere Hath Behan Ke Sar Par.
Apna Sar Khak Se Main Youn Na Chupati Abbas.
Mera Gham Our Barhanay Ke Liye Laye Hain.
Tere Lashay Pe Rulanay Ke Liye Laye Hain.
Sham Walay Jo Na Youn Latay Rasan Basta Mujhe.
Haal Main Apni Rida Ka Na Sunati Abbas.
Zeen Se Ho Ke Tu Be Dast Gira Tha Jaisay.
Chalte Naqay Se Main Maqtal Mein Giri Hoon Aisay.
Pas-e-Gardan Mere Bazu Jo Bandhay Na Hotey.
Youn Tere Lashay Pe Khud Ko Na Girati Abbas.
Aik Rasi Mein Sabhi Qaidi Bandhay Hain Aisay.
Maon Ke Hathoon Ke Neechay Hain Galay Bachoon Ke.
Choti Zahra Ka Bhi Rasi Mein Gala Hai Warna.
Tere Lashay Pe Sakina Ko Na Lati Abbas.
Mujh Ko Ghar Mein Bhi Na Dekha Tha Khulay Sar Tu Ne.
Mere Saye Ko Bhi Rakha Tha Chupa Kar Tu Ne.
Aaj Ghairon Se Rida Mang Ke Roti Hai Behan.
Tu Jo Hota Tu Yeh Sadmay Na Uthati Abbas.
Rah Se Bheer Ko Logon Ki Hatanay Wala.
Aaj Koi Nahi Mehmal Mein Bithanay Wala.
Mera Sajjad Bhi Paband-e-Rasan Hai Warna.
Thokarein Khati Hoi Sham Na Jati Abbas.
Tha :SAHAAB: Our :RAZA: Kaisa Woh Gham Ka Manzar.
Uthi Abbas Ke Lashay Se Behan Yeh Keh Kar.
Sabar Karti Hoon Mashiyaat Pe Khuda Ki Warna.
Tere Maqtal Se Main Zindah Tu Na Jati Abbas.
Poet: :Arif Sahaab:
Noha: :Syed Raza Abbas Zaidi:
Noha Volume: :Syed Raza Abbas Zaidi 2021-22:
Composition: :Nayyar Abbas:
#MaqtalMainNaAatiAbbas
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
