Mazhar Hoon Ajaib Ka Mera Naam Ali Hai Lyrics In Urdu and Roman Urdu
مظہر ہوں عجائب کا میرا نام علیؑ ہے
Paigham-e-Ahad Hoon Mera Paigham Ali Hai.
Na Kaam Nahi Hoon Mera Har Kam Ali Hai.
Aagaz Ali Hai Mera Anjam Ali Hai.
Main Mazhar-e-Wahdat Hoon Zameen Our Zamaan Mein.
Main Hoon Tu Hai ALLAH Ki Pehchan Jahan Mein.
Hai Kufar Mere Dam Se Hi Dam Torne Wala.
Main Jhotay Khudaon Ka Bharam Torne Wala.
Main Kufar Ka Kul Jah-o-Hasham Torne Wala.
Ik Main Hi Hoon Kabay Ke Sanam Torne Wala.
Sar Jhotay Khudaon Ke Bhi Khum Main Ne Rakhay Hain.
Kandhoon Pe Muhammad Ke Qadam Main Ne Rakhay Hain.
Kya Hai Olohiyat Yeh Bata Sakta Hoon Bas Main.
Utra Hai Jo Nabiyon Pe Suna Sakta Hoon Bas Main.
Dehleez Pe Taray Ko Bola Sakta Hoon Bas Main.
Tauheed Ke Parday Mein Bhi Ja Sakta Hoon Bas Main.
Gar Main Nahi Hota Tu Koi Baat Na Hoti.
ALLAH-o-Payamber Ki Mulaqaat Na Hoti.
Jangoon Mein Hoi Kufar Ki Tafreeq Mere Hath.
Kartay Hain Atta Karne Ki Taufeeq Mere Hath.
Kartay Hain Sab Aayat Ki Tasdeeq Mere Hath.
Kartay Rahe Aadam Ko Bhi Takhleeq Mere Hath.
Sajdah Jo Farishton Ne Kiya Hukam-e-Jali Tha.
Manzar Pe Tha Aadam Pas-e-Manzar Main Ali Tha.
Nuqta Bhi Hoon Al-Hamd Bhi Wal Naas Bhi Main Hoon.
Aadam Bhi Hoon Esa Bhi Hoon Ilyas Bhi Main Hoon.
Insan Ki Sheh Rag Ke Bohat Pas Bhi Main Hoon.
Akbar Bhi Hoon Asghar Bhi Hoon Abbas Bhi Main Hoon.
Har Door Mein Aaya Hoon Main Tasveer Badal Kar.
Ab Aaon Ga Main Pardah-e-Ghaibat Se Nikal Kar.
Bholo Nahi Kab Sirf Main Molood-e-Haram Hoon.
Kabay Ki Qasam Hai Keh Main Maqsood-e-Haram Hoon.
Main Mabaday Awwal Hoon Main Mabood-e-Haram Hoon.
Dewar Se Pocho Tu Main Masjood-e-Haram Hoon.
Malik Hoon Main Mujh Se Tu Yeh Afzal Nahi Kaba.
Main Aata Kahin Our Tu Hota Wahin Kaba.
Sun Lo Yeh Fazeelat Bhi Anokhi Hai Mere Pas.
ALLAH Hai Yeh Ik Lafz Mani Hai Mere Pas.
Har Maqsad-e-Israr-e-Elahi Hai Mere Pas.
Gaib Ka Jana Hai Tu Kunji Hai Mere Pas.
Aye Dhondne Walo Woh Kahin Our Nahi Hai.
Main Hi Woh Makaan Hoon Jahan ALLAH Makeen Hai.
:MUHSIN: Hai Faqat Hasil-e-Dein Meri Wilayat.
Hai Rab Ki Wilayat Ki Ameen Meri Wilayat.
Wajib Hai Basad Shukar-e-Yaqeen Meri Wilayat.
Saqat Kissi Halat Mein Nahi Meri Wilayat.
Batil Jo Ali Un Wali ALLAH Ko Kahey Ga.
Maloon Tha Maloon Hai Maloon Rahe Ga.
Poet: :Muhsin Jaffri:
Manqabat Khuwan: :Syed Mohammad Shah:
Manqabat Volume: :Syed Mohammad Shah 2020-21:
#MeraNaamAliHai
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
