Alam Bardar Nadeem Sarwar Lyrics In Urdu 2022
Alam Bardar Nadeem Sarwar Lyrics
Yeh Kaun Hai Falak Sara Larazta Hai.
Yeh Kaun Hai Zameen Ka Dil Dharkta Hai.
Alam Bardar Aata Hai Alam Bardar Aata Hai.
Yeh Lagta Hai Keh Jaisay Haider-e-Karrar Aata Hai.
Alam Thamay Hussaini Foaj Ka Salar Aata Hai.
Falak Sara Larazta Hai Zameen Ka Dil Dharkta Hai.
Fiza Mein Shoor Barpa Hai Addo Ka Dam Nikalta Hai.
Jarri Yeh Kaun Aata Hai Alam Kis Ka Ubharta Hai.
Yazeedi Foaj Mein Halchal Dilon Pe Khof Chaya Hai.
Jo Thi Karrar Ki Haibat Wohi Abbas Ki Haibat.
Khuda Ke Shair Jaisi Hai Ali Ke Shair Ki Taqat.
Wohi Chehra Wohi Seerat Wohi Jazba Wohi Jurat.
Abhi Aaya Nahi Lekin Addo Pe Cha Gayi Dehshat.
Misal-e-La Fatah Shabeer Ka Salar Aata Hai.
Abhi Yeh Shoor Barpa Tha Keh Gonja Haidery Narah.
Misal-e-La Fatah Ghazi Achanak Samne Aaya.
Mujhe Abbas Kehte Hain Jarri Lalkar Kar Bola.
Alamdar-e-Hussaini Hoon Ghulam-e-Syed-e-Wala.
Sada Deta Howa Yeh Ghazi-e-Jarrar Aata Hai.
Yahan Tanha Dil-e-Haider Wahan Lakhon Jafa Paikar.
Yahan Bas Hath Mein Naiza Wahan Taig-o-Sina Khanjar.
Yahan Sokha Hai Mashkeza Wahan Serab Hai Lashkar.
Yahan Shoq-e-Shahadat Hai Wahan Shoqeen-e-Maal-o-Zar.
Moqabil Marhabon Ke Sahib-e-Kirdar Aata Hai.
Addo Se Cheen Kar Darya Alam Abbas Ne Gara.
Yazeedi Foaj Mein Oss Dam Achanak Shoor Yeh Utha.
Aray Bhago Tarai Se Ali Aaya Ali Aaya.
Phir Oss Ke Baad Darya Par Faqat Ghazi Nazar Aaya.
Jafa Karoon Mein Ban Kar Maut Ki Lalkar Aata Hai.
Bhara Jis Waqt Mashkeza Bara Yaad Aayi Masoma.
Liye Pani Soye Khaima Chala Saqqa Sakina Ka.
Bhara Jab Gird Ghazi Ke Yazeedi Foaj Ka Halqa.
Kaha Abbas Ne Dil Mein Sakina Tum Na Ghabrana.
Abhi Le Kar Yeh Mashkeza Tera Ghamkhuwar Aata Hai.
Alam Ghazi Dilawar Ka Jab Oss Ke Khon Mein Doba.
Bureda Bazoon Wala Na Mashkeza Bacha Paya.
Tarapta Khak Par Dekha Jo Sheh Ne Bhai Ka Lasha.
Wafa Ko Naaz Hai Tujh Par Pukarey Syed-e-Wala.
Khudaya Pas Ab Tere Mera Salar Aata Hai.
Poet: :Dr Hilal Naqvi:
Poet: :Jawad Jafri, Nadeem Sarwar:
Noha Khuwan: :Nadeem Sarwar:
Noha Volume: :Nadeem Sarwar 2022-23:
Composition: :Nadeem Sarwar,Ali Shanawar,Ali Jee:
#AlamBardar
#NohayLyrics
#tajpoint
Alam Bardar Nadeem Sarwar New Noha
Alam Bardar Nadeem Sarwar Lyrics In Urdu 2022 Write Up Poster Image
