Aik Najaf Mein Mera Ali Hai Mir Hasan Mir Lyrics 2005
Aik Najaf Mein Mera Ali Hai Aik Ali Iran Mein Hai Mir Hasan Mir
Hum Pala Dono Ki Sakhawat Qudrat Ke Meezan Mein Hai.
Aik Raza Ik Shair-e-Khuda Hai Ik Shajrah Hai Aik Ada Hai.
Janat Ke Mewaon Ka Maza Dono Ke Dastar Khuwan Mein Hai.
Maula Raza Our Mehdi-e-Dein Mein Farq Yehi Hai Mamoli.
Ik Quran Khula Rakha Hai Aik Abhi Juzdan Mein Hai.
Mashhad Kya Hai Dar-e-Shifa Hai Maula Raza Ka Naam Dawa Hai.
Baat Yeh Shamil Mere Aqeeday Our Marey Eman Mein Hai.
Mashhad Inn Ke Dam Se Muqadas Shehar Howa Hai Shehroon Mein.
Jaisay Keh Rehman Ka Sorah Dulhan Sa Quran Mein Hai.
Yeh Tu Khuda Ki Aik Atta Hai Unn Ki Sana Hum Likhtay Hain.
Warna Inn Ki Midhat Karna Kab Kis Ke Imkan Mein Hai.
Kitne Bad Qismat They Hakim Inn Se Anad-o-Bugz Rakha.
Yeh Jumla Afsoos Se Likha Tareekh-e-Zindan Mein Hai.
Yeh Tu Woh Hain Jin Ka Rutba Paish-e-Khuda Hai Sab Se Bara.
Inn Ke Jad Our Inn Ki Midhat Aayat-e-Quran Mein Hai.
Naqsh-e-Qadam Ko Chom Ke Inn Ke Soraj Rehta Hai Roshan.
Chand Ka Chehra Inn Ki Zia Se Logon Ki Pehchan Mein Hai.
Inn Ki Muhabbat Inn Ki Mawaddat Meri Mata Emaan Hai.
Iss Ke Siwa Saman-e-Shifat Kya Dast-e-:REHAN: Mein Hai.
Poet: :Rehan Azmi:
Manqabat Khuwan: :Mir Hasan Mir:
Manqabat Volume: :Mir Hasan Mir 2004-05:
#AikNajafMeinMeraAliHai
#ManqabatLyrics
#tajpoint
Aik Najaf Mein Mera Ali Hai Mir Hasan Mir Lyrics 2005 Write Up Poster Image
