Main Abutalib Hoon Syed Subbaib Abidi Lyrics 2018

Main Abutalib Hoon Syed Subbaib Abidi Lyrics

Main Hoon Imran Laqab Mera Abu Talib Hai.
Tum Bhataktay Ho Kahan Haq Tu Meri Janib Hai.
Har Musalman Pe Qanon Mera Wajib Hai.
Kyun Keh Ik Beta Mera Ghalib-e-Kul Ghalib Hai.
Zulmat-e-Kufar Ko Ghar Ghar Se Nikala Main Ne.
Larkharata Howa Islam Sanbhala Main Ne.

Kitna Pakeeza Hasab Our Nasab Mera Hai.
Kar-e-Islam Mein Jo Kuch Hai Woh Sab Mera Hai.
Adab-e-Zeest Mein Andaz-e-Adab Mera Hai.
Mustafa Mere Ali Mere Hain Rab Mera Hai.
Yeh Batao Koi Mujh Jaisa Musalman Bhi Hai.
Mere Ghar Nehj-e-Balaga Bhi Hai Quran Bhi Hai.

Mere Hotey Hoye Islam Ko Khatrah Tu Nahi.
Kahin Quran Se Hat Kar Mera Shajrah Tu Nahi.
Mere Kirdar Ka Daman Kahin Maila Tu Nahi.
Koi Bacha Mera Maidan Se Bhaga Tu Nahi.
Phir Bhi Tum Ne Mere Emaan Ki Sand Mangi Hai.
Jab Ke Islam Ne Khud Mujh Se Madad Mangi Hai.

Kufar Se Door Raha Phir Bhi Main Kafir Hi Raha.
Aqad Ahmad Ka Parha Phir Bhi Main Kafir Hi Raha.
Mera Ghar Bar Luta Phir Bhi Main Kafir Hi Raha.
Mera Hi Khon Baha Phir Bhi Main Kafir Hi Raha.
Na Ahal Sahib-e-Eman Banay Baithay Hain.
Jo Bhikari They Woh Sultan Banay Baithay Hain.

Mere Aousaf-o-Kamalat Tumhein Kya Maloom.
Meri Ulfat Mere Jazbat Tumhein Kya Maloom.
Kis Tarha Guzrey Hain Lamhat Tumhein Kya Maloom.
Kya They Oss Door Ke Halaat Tumhein Kya Maloom.
Dawat-e-Fikar Mein Din Raat Guzar Jate They.
Loag Mera Hi Namak Kha Ke Mukar Jate They.

Aye Musalman Bata Kuch Tera Eman Bhi Hai.
Koi Bakhshish Ka Tere Pas Mein Saman Bhi Hai.
Tu Jo Kehta Hai Keh Kafi Mujhe Quran Bhi Hai.
Oss Mein Yeh Soch Le Ik Sorah-e-Imran Bhi Hai.
Gar Jisay Sorah-e-Imran Ki Pehchan Nahi.
Pora Quran Bhi Rat Le Woh Musalman Nahi.

Khana-e-Haq Se Jo Paya Woh Pisar Mera Hai.
Aayatein Jis Pe Utarti Hain Woh Ghar Mera Hai.
Nook-e-Naiza Pe Jo Bola Hai Woh Sar Mera Hai.
Ran Mein Asghar Jo Hansa Hai Woh Hunar Mera Hai.
Naam Islam Ke Daman Pe Raqam Mera Hai.
Har Azadar Ke Hathoon Mein Alam Mera Hai.

Rab Ko :MEHBOOB: :SUBBAIB: Hai Qareena Mera.
Deen Ko Paar Lagata Hai Safena Mera.
Kam Aaya Hai Tu Bas Khon Paseena Mera.
Karbala Meri Najaf Mera Madina Mera.
Yeh Samajh Lo Pisar-e-Ghalib-e-Kul Ghalib Hoon.
Tum Tu Talib Ho Nabi Ke Main Abu Talib Hoon.

Poet: :Mehboob Ansari:
Manqabat Khuwan: :Syed Subbaib Abidi:
Manqabat Volume: :Syed Subbaib Abidi 2018-19:
Manqabat Khuwan: :Muntazir Hasan Nagri:

#MainAbutalibHoon
#ManqabatLyrics
#tajpoint

New Manqabat Main Abutalib Hoon Syed Subbaib Abidi

Main Abutalib Hoon Syed Subbaib Abidi - Muntazir Hasan Nagri

Main Abutalib Hoon Syed Subbaib Abidi Lyrics 2018