Shabbir Ka Charcha Baqi Hai Mir Hasan Mir Lyrics In Urdu and Roman Urdu
شبیرؑ کا چرچا باقی ہے
Chodah Sadiyaan Beet Gayin Shabeer Ka Charcha Baqi Hai.
Quraan Ab Tak Bool Raha Hai Khana-e-Kaba Baqi Hai.
Karb-o-Bala Ka Pa Ke Sahara Gunbad-e-Khizra Baqi Hai.
Sare Jhanday Toot Chukay Hain Sabz Pharera Baqi Hai.
Gaunj Raha Hai Nam-e-Muhammad Zikar Khuda Ka Baqi Hai.
Inn Chodah Sadiyon Ke Andar Chodah So Tofan Uthay.
Umvi Harkaray Doray Hain Abbasi Sultan Uthay.
Laat-o-Hobul Seeno Mein Chupaye Hathoon Par Quran Uthay.
Jin Ki Bunyadon Mein Lahu Tha Qasar Woh Alishan Uthay.
Sab Dewarein Baith Gayin Mazloom Ka Roza Baqi Hai.
Taig-o-Tabar Ne Rasta Roka Fojon Ki Yalgar Hoi.
Lal-o-Gohar Ne Daam Lagaye Sikkon Ki Jhankar Hoi.
Lambi Qabaon Walay Uthay Fatwon Ki Bharmar Hoi.
Deeda-e-Ibrat Tu Hi Bata Yeh Jeet Hoi Ya Haar Hoi.
Sajday Mein Sar Kaat Liya Tha Lekin Sajdah Baqi Hai.
Kya Jane Kin Kin Qaumon Ne Deray Dalay Darya Par.
Aaye Aa Kar Laut Gaye Sab Goray Kalay Darya Par.
Ab Bhi Milein Gay Totay Hoye Kuch Khanjar Bhalay Darya Par.
Qabza Karne Aaye They Sab Taqat Walay Darya Par.
Sab Ka Qabza Khatam Howa Abbas Ka Qabza Baqi Hai.
Pyason Ke Inkar Ka Khanjar Gardan Par Kuch Aisa Chala.
Lakhon Fitney Uthay Lekin Phir Sar-e-Baiyat Uth Na Saka.
Jab Bhi Kissi Ke Dil Mein Tamana Baiyat Ki Uthti Hai Zarra.
Kehta Hai Abbas Ka Parcham Fikar-e-Yazeedi Hosh Mein Aa.
Jis Ne Tujhey Mara Tha Tamacha Ab Bhi Woh Panja Baqi Hai.
Deen-e-Nabi Ke Khoon Ki Hararat Seena-e-Aalam Ki Dharkan.
Arzu-e-Zahra-o-Payamber Jan-e-Ali-o-Roh-e-Hasan.
Betha Howa Hai Parday Mein Talwar Liye Ik Qala Shikan.
Taqat Par Itrane Kaisa Deen-e-Elahi Ke Dushman.
Badar-o-Ohad Se Bhagney Walo Aakhri Hamla Baqi Hai.
Lakh Mitao Mit Na Sakay Ga Aal-e-Nabi Ka Naam-o-Nishaan.
La Waris Samjho Na Issay Yeh Khaliq-e-Akbar Ka Hai Makaan.
Bait Se Ahl-e-Bait Ka Rishta Kya Torein Gay Ahl-e-Jahan.
Kya Jane Kab Baam-e-Falak Se Gaunj Uthay Aawaz-e-Azaan.
Aye Kabay Ke Thekedaro Kabay Wala Baqi Hai.
Poet: :Payam Azmi:
Manqabat Khuwan: :Mir Hasan Mir:
Manqabat Volume: :Mir Hasan Mir 2002-03:
#ShabbirKaCharcha
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
