Khank Hawaon Ka Charcha Nahi Tha Khaimo Mein 2023
Khank Hawaon Ka Charcha Nahi Tha Khaimo Mein
Kissi Furat Ka Rasta Nahi Tha Khaimon Mein.
Palat Palat Ke Hawa Karbala Ko Dekhti Thi.
Kahin Bhi Habs Ka Shikwa Nahi Tha Khaimon Mein.
Safaid Phool They Our Surkh Hone Aaye They.
Kuch Our Rang Ka Khadsha Nahi Tha Khaimon Mein.
Tamam Mannay Walay They Hukam-e-Maula Par.
Koi Bhi Sochne Wala Nahi Tha Khaimon Mein.
Sabhi Ko Fikar Thi Woh Zindah Reh Na Jaein Kahin.
Kissi Ko Maut Ka Khatrah Nahi Tha Khaimon Mein.
Woh Ya Hussain Kahey Our Roshni Dekhey.
Jisay Yeh Shak Hai Ujala Nahi Tha Khaimon Mein.
Ossi Ka Rasta Taktay They Rastay Sare.
Woh Mehman Jo Pohancha Nahi Tha Khaimon Mein.
Sadaein Sansoon Ki Jitni Thin Utni Baqi Rahein.
Charag Jis Ghari Jalta Nahi Tha Khaimon Mein.
Fasoon e Zindagi Maqtal Ke Naam Tha :AKBAR:.
Magar Woh Lehja Keh Larzah Nahi Tha Khaimon Mein.
Poet: :Hasnain Akbar:
#KhaimoMein
#SalamLyrics
#tajpoint
Khank Hawaon Ka Charcha Nahi Tha Khaimo Mein 2023 Write Up Poster Image
