Hum Hongey Kahin Nadeem Sarwar Lyrics In Urdu and Roman Urdu
ہم ہوں گے کہیں
Sheh Kehte They Bibi Humein Ab Jane Do Ghar Se.
Woh Kehti Thi Saya Jo Yeh Uth Jaye Ga Sar Se.
Haye Haye Main Tumhein Dhond Ke Laon Gi Kidhar Se.
Sheh Kehte They Maqtal Hi Mein Pao Gi Sakina.
Hum Hoon Gay Kahin Tum Kahin Jao Gi Sakina.
Dhondo Gi Tu Phir Hum Ko Na Pao Gi Sakina.
Jab Umar Thi Kam Hum Bhi Chutay They Younhi Maa Se.
Sotay They Lipat Kar Younhi Khatoon-e-Jinna Se.
Kaun Unn Ka Howa Samne Aankhon Ke Jahan Se.
Sadmay Yehi Ab Tum Bhi Uthao Gi Sakina.
Jangal Mein Bohat Qafilay Lut Jate Hain Bibi.
Barson Jo Rahe Sath Woh Chut Jate Hain Bibi.
Hasrat Se Yeh Dam Seeno Mein Ghut Jate Hain Bibi.
Chut Jao Gi Baba Ko Na Pao Gi Sakina.
Din Fajar Ke Aa Pohanchay Gaye Wasal Ke Ayyam.
Likha Tha Bohat Kam Teri Taqdeer Mein Aaram.
Dikhlaye Gi Yeh Subha Yateemi Ki Tumhein Sham.
Kis Tarha Se Yeh Dagh Uthao Gi Sakina.
Youn Kehne Lagi Seene Pe Munh Rakh Ke Woh Nadaan.
Kehte Hain Yateemi Kisay Main Aap Pe Qurbaan.
Hazrat Ne Kaha Sakht Musibat Hai Meri Jaan.
Chain Aisi Aziyat Mein Na Pao Gi Sakina.
Ab Aaya Samajh Mein Yeh Sukhan Honton Pe Lana.
Kyun Kehte They Zainab Issay Chati Pe Sulana.
Aray Bano Mere Pichey Na Sakina Ko Rolana.
Dil Kehta Tha Baba Ko Na Pao Gi Sakina.
Khamosh :ANEES: Ab Keh Jigar Chak Hai Gham Se.
Behta Hai Lahu Ashk Ki Jaan Deedah-e-Nam Se.
Doori Yeh Ziyarat Sahi Jati Nahi Hum Se.
Kya Rozay Pe Apne Na Bulao Gi Sakina.
Poet: :Mir Babbar Ali Anees:
Noha Khuwan: :Nadeem Sarwar:
Noha Volume: :Nadeem Sarwar 2005-06:
#HumHongeyKahin
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
