Mera Mohsin Na Raha Nasir Asghar Party Lyrics Urdu 2023
Mera Mohsin Na Raha Nasir Asghar Party
Hath Pehlu Pe Rakha Our Yeh Zahra Ne Kaha Mera Mohsin Na Raha.
Pasliyaan Toot Gayin Aisay Darwaza Gira Mera Mohsin Na Raha.
Pasliyaan Totney Ka Gham Hi Nahi Mujh Ko Koi.
Qatal Pehlu Mein Hoi Aaj Yeh Aoulad Meri.
Jeetay Jee Mar Gaya Mujh Ko Bas Yeh Sadma Mera Mohsin Na Raha.
Dekha Darwazay Ke Neechay Jo Mujhe Rotay Hoye.
Paon Darwazay Pe Rakh Rakh Ke Sitamgar Guzrey.
Itni Takleef Mein Bhi Main Ne Bas Di Yeh Sada Mera Mohsin Na Raha.
Dar Jo Pehlu Se Woh Fizza Ne Hataya Aa Kar.
Bolein Zahra Mere Bachoon Ko Sanbhalo Ja Kar.
Uthna Mushkil Hai Bohat Zulm Yeh Kaisa Howa Mera Mohsin Na Raha.
Jab Rasan Bandh Ke Gardan Se Ali Ko Khaincha.
Aaein Zalim Se Bachaney Ke Liye Jab Zahra.
Taziyana Bhi Saha Par Ali Se Na Kaha Mera Mohsin Na Raha.
Apna Har Zakhm Ali Se Bhi Chupana Hai Mujhe.
Ab Issi Haal Mein Darbar Bhi Jana Hai Mujhe.
Kitni Majboor Hoon Main Waqt Kaisa Hai Para Mera Mohsin Na Raha.
Baad Baba Ke Madina Youn Badal Jaye Ga.
Rah Mein Koi Tamacha Bhi Mujhe Marey Ga.
Mere Baba Ka Mujhe Aisay Pursa Hai Mila Mera Mohsin Na Raha.
Kham Kamar Our Mere Baloon Mein Safaidi Hogi.
Mujh Pe Atharah Baras Mein Hi Zaeefi Hogi.
Aaj Zahra Ke Liye Gham Ka Aagaz Howa Mera Mohsin Na Raha.
Ab Bhi :ZEESHAN: Yeh Aati Hai Baqiya Se Sada.
Apne Mehdi Ko Bataon Gi Woh Jab Aaye Ga.
Jitnay Dukh Main Ne Sahey Gham Hai Yeh Sab Se Bara Mera Mohsin Na Raha.
Poet: :Zeeshan Abidi:
Noha Khuwan: :Nasir Asghar Party:
Noha Volum: :Nasir Asghar Party 2022-23:
Composition: :Munawar Ali Khan Nomi:
#MeraMohsinNaRaha
#NohayLyrics
#tajpoint
New Noha Mera Mohsin Na Raha Nasir Asghar Party
Mera Mohsin Na Raha Nasir Asghar Party Lyrics Urdu 2023 Write Up Poster Image
