Ali o Zehra Mir Sajjad Mir Lyrics In Urdu 2022

Ali o Zehra Mir Sajjad Mir Lyrics In Urdu 2022

Ali o Zehra Mir Sajjad Mir Lyrics

Fatima Kya Hain Yeh Darain Ke Maula Se Sunein.
Our Haider Ki Sana Fatima Zahra Se Sunein.

Guftgu Kartay Hain Aapas Mein Ali-o-Zahra.

Murtaza Bolay Batool Aap Hain Izzat Meri.
Aap Zojah Hain Meri Yeh Hai Fazeelat Meri.
Dast-e-Khaliq Hoon Magar Aap Hain Taqat Meri.
Haan Faqat Aap Hain Dunya Mein Zarorat Meri.
Sochta Hoon Keh Namazon Mein Dua Kya Mangoon.
Aap Ke Baad Khuda Se Main Bhala Kya Mangoon.

Fatima Bolein Ali Aap Ke Mansab Hain Barey.
Dehar Mein Aana Tha Tu Ghar Mein Khuda Ke Utray.
Martabay Aap Ke Jaisay Na Rasolon Ko Miley.
Aap Ke Baba Ke Ahsan Hain Hum Par Kitne.
Bachpaney Hi Se Sanbhala Hai Mere Baba Ko.
Aap Ke Baba Ne Pala Hai Mere Baba Ko.

Bolay Haider Yeh Do Aalam Tera Sadqa Zahra.
Arsh Se Utra Hai Tere Liye Zohra Zahra.
Teri Dehleez Hai Sidrah Ka Ilaqa Zahra.
Yahan Bichta Hai Tahajud Ka Musalla Zahra.
Bas Muhammad Paye Tazeem Kharey Rehtey Hain.
Warna Sab Anbiya Sajday Mein Paray Rahe Hain.

Fatima Bolein Main Qurban Mere Aaqa Par.
Khatam Hai Manzil-e-Irfan Mere Aaqa Par.
Fakhar Khud Karta Hai Rehman Mere Aaqa Par.
Baba Jaan Detey Hain Khud Jan Mere Aaqa Par.
Baat Baba Ne Yeh Ashab Ko Batlayi Hai.
Tum Tu Nokar Ho Magar Mera Ali Bhai Hai.

Murtaza Bolay Faqat Masdar-e-Ismat Tum Ho.
Hujjatullah Jo Hain Unn Pe Bhi Hujjat Tum Ho.
Halqa-e-Wasal-e-Risalat-o-Imamat Tum Ho.
Main Hoon Haq Par Tu Mere Haq Ki Shahadat Tum Ho.
Kaun Darbar Mein Paigham-e-Elahi Deta.
Tum Na Hoti Tu Meri Kaun Gawahi Deta.

Bolein Zahra Main Zamane Ki Khabar Janti Hoon.
Iss Hatheli Ki Tarha Alam-e-Zar Janti Hoon.
Khak Se Kis Tarha Banta Hai Bashar Janti Hoon.
Dast-e-Khaliq Ke Main Hathoon Ka Hunar Janti Hoon.
Mojza Bar Sar-e-Aflak Dikhaya Tum Ne.
Main Ne Khud Dekha Hai Aadam Ko Banaya Tum Ne.

Bolay Haider Nahi Shak Iss Mein Zara Sa Zahra.
Aap Hain Ilm-e-Laduni Ka Asasa Zahra.
Aap Ko Yaad Hai Sab Loh Ka Likha Zahra.
Woh Bhi Maloom Hai Jo Kuch Nahi Ho Ga Zahra.
Jitna ALLAH Ne Nabiyon Ko Parha Rakha Hai.
Utna Tu Aap Ne Fizza Ko Bata Rakha Hai.

Fatima Bolein Mere Malik-o-Mukhtar Ali.
Khadma Hoon Main Teri Tu Mera Sardar Ali.
Tujh Pe So Jan Se Qurban Hoon So Bar Ali.
Fatima Sab Se Bari Hai Teri Hubdar Ali.
Teri Azmat Youn Zamane Ko Dikhaye Zahra.
Teri Nalain Ko Hathoon Pe Uthaye Zahra.

Teri Qismat Ke Payamber Bhi Sana Khuwan Miley.
Ab Kissi Maa Ko Bhi Mumkin Nahi Yeh Shan Miley.
Behar-e-Ismat Se Tujhey Lolo-o-Marjan Miley.
Tujh Ko Hujray Mein Tere Boltay Quran Miley.
Kab Ibrahim Ke Wirsay Mein Yeh Izzat Aayi.
Tere Har Betay Ke Hissay Mein Imamat Aayi.

:MIR SAJJAD: Ali Kehte They Har Bar Yehi.
Aik Hai Fatima Our Aik Hai Dunya Mein Ali.
Mere Jaisa Na Hai Koi Na Hai Tum Sa Koi.
Ik Haqeeqat Kahan Maloom Hai Dunya Ko Abhi.
Waqt-e-Mushkil Kahan Dunya Se Madad Leta Hai.
Bas Ali Fatima Zahra Se Madad Leta Hai.

Poet: :Mir Sajjad Mir:
Manqabat Khuwan: :Mir Sajjad Mir:
Manqabat Volume: :Mir Sajjad Mir 2022-23:

#AlioZehra
#ManqabatLyrics
#tajpoint

Ali o Zehra Mir Sajjad Mir Lyrics In Urdu 2022 Write Up Poster Image

Ali o Zehra Mir Sajjad Mir Lyrics In Urdu 2022

Video Link
Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads. Please support us by disabling these ads blocker.

Powered By
Best Wordpress Adblock Detecting Plugin | CHP Adblock
error: Content is protected !!