Agaya Sher e Ali Mir Hasan Mir Lyrics In Urdu 2023
Agaya Sher e Ali Mir Hasan Mir Lyrics
Ameer-e-Lashkar-e-Hussain.
Bara Boland Hosla.
Misal-e-Shah-e-Lafatah.
Gharor-e-Aal-e-Mustafa.
Wafa Ba Had e Mojza.
Hizabar e Dasht e Nainawa.
Sham Ki Foaj Yeh Kehte Hoye Darya Se Hati.
Par Sametay Hoye Jibreel Ne Aawaz Yeh Di.
Roab Se Shair-e-Dilawar Ke Falak Bhi Kham Hai.
Chotay Hazrat Ki Sawari Ka Ajab Aalam Hai.
Chand Barhta Hai Sarakti Hain Ghataein Sari.
Ran Mein Abbas Hi Abbas Dikhai Dein Gay.
Aaj Siffeen Ke Murday Bhi Duhai Dein Gay.
Foaj Ke Haal Mein Yaad Aaye Ga Sab Ko Mazi.
Kis Shair Ki Aamad Hai Keh Ran Kanp Raha Hai.
Ran Aik Taraf Charkh-e-Kahan Kanp Raha Hai.
Rustam Ka Badan Zair-e-Kafan Kanp Raha Hai.
Har Qasar-e-Salateen e Zaman Kanp Raha Hai.
Shamsheer Bakaf Dekh Ke Haider Ke Pisar Ko.
Jibreel Laraztay Hain Sametay Hoye Par Ko.
Sham Walon Ke Liye Waqt-e-Zawwal Aaya Hai.
Aaj Zahra Ki Mashiyat Ko Jalal Aaya Hai.
Al-Amaan Kehte Hain Jinnat-o-Malak, Hoor-o-Pari.
Dam Ba Khud Sorah-e-Israfil Howa Hai Iss Dam.
Kya Qayamat Hai Laraztay Hain Paharon Ke Qadam.
Zalzala Hai Ya Zameen Leti Hai Sansein Jaldi.
Rahat Ke Mahalon Ko Bala Poch Rahi Hai.
Hasti Ke Makano Ko Fana Poch Rahi Hai.
Taqdeer Se Umar Apni Qaza Poch Rahi Hai.
Dozakh Ka Pata Foaj-e-Jafa Poch Rahi Hai.
Al Hashar Jo Murday Na Pukarein Tu Ghazab Hai.
Al-Maut Zaban-e-Malak Al-Maut Pe Ab Hai.
Taig-e-Abbas Bhi Bijli Ki Chamak Jaisi Hai.
Lashkar-e-Sham Ki Yeh Kali Ghata Kehti Hai.
Aaj Maidan Mein Barsat Saron Ki Hogi.
Ran Se Har Bhagney Wala Yeh Sada Deta Hai.
Shair Ke Hath Mein Talwar Nahi Naiza Hai.
Yeh Issi Naizay Mein Hum Sab Ko Piro De Ga Abhi.
ALLAH Rahe Aamad Aamad-e-Abbas Saf Shikan.
Larzaan They Koh Hiltay They Dil Kanpta Tha Tan.
Jangal Ke Shair Ban Gaye They Khof Se Haran.
Ik Shoor Tha Keh Aaj Paray Ga Ghazab Ka Ran.
Yeh Shair Kam Nahi Asad-e-Qala Geer Se.
Goya Moqabila Hai Janab-e-Ameer Se.
Har Taraf Maut Ka Maidaan Mein Laga Hai Pehra.
Zair-e-Lab Parhtay They Jis Tarha Ali Ya Zahra.
Waisay Maidan Mein Duhratay Hoye Nad-e-Ali.
Ho Gayi Aap Ke Aane Mein :TAKALLUM: Takheer.
Likh Chukay Aamad-e-Abbas :ANEES: Our :DABEER:.
Unn Ke Misroon Ki Sada Gaunj Rahi Hai Ab Bhi.
Poet: :Mir Babbar Ali Anees:
Poet: :Mirza Salaamat Ali Dabeer:
Poet: :Mir Takallum Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2022-23:
Composition: :Raza Shah:
#AgayaShereAli
#ManqabatLyrics
#tajpoint
New Manqabat Agaya Sher e Ali Mir Hasan Mir Lyrics
Mola Ghazi Abbas Manqabat Agaya Sher e Ali Mir Hasan Mir Lyrics
Agaya Sher e Ali Mir Hasan Mir Lyrics In Urdu 2023 Write Up Poster Image
