Jang e Hazrat Abbas Alamdar Mir Sajjad Mir Lyrics 2022
Jang e Hazrat Abbas Alamdar Mir Sajjad Mir
Woh Jo Bachpan Hi Se Jarrar Nazar Aate Hain.
Ab Kahan Aisay Alamdar Nazar Aate Hain.
Dekho Maqtal Mein Jamal Our Jalal-e-Abbas.
Door Se Haider-e-Karrar Nazar Aate Hain.
Maidaan Mein Aa Raha Hai Alamdar Hoshiyar.
Aye Lashkar-e-Yazid Ke Salar Hoshiyar.
Keh Aao Ja Ke Nehar Ke Oss Paar Hoshiyar.
Ghazi Ne Dein Sadaein Khabardar Hoshiyar.
Ab Woh Bachay Ga Nehar Se Iss Dam Jo Hat Gaya.
Phir Yeh Na Kehna Sar Mera Dhokay Se Kat Gaya.
Narah Kiya Keh Hai Umar-e-Sad Tu Kahan.
Jhanday Paray Hain Foaj Ka Lekin Nahi Nishaan.
Sab Misal-e-Teer Bhag Gaye Reh Gayin Kamaan.
Mera Habib Tere Jawano Se Tha Jawaan.
Lashkar Mein Tere Aik Bhi Nar Sa Nahi Koi.
Sare Garj Ke Reh Gaye Barsa Nahi Koi.
Ab Aa Gaya Hoon Samne Kyun Boltay Nahi.
Kholo Na Ab Zaban Ko Kyun Kholte Nahi.
Pehle Tulay They Taig Ko Kyun Toltay Nahi.
Himmat Na Ho Tu Baton Ka Ras Gholtay Nahi.
Baqi Agar Hai Sharam Tu Ghar Jao Shamiyon.
Iss Nehar Mein Hi Doob Ke Mar Jao Shamiyon.
Main Janta Hoon Jitnay Barey Sorma Ho Tum.
Apne Baron Ki Tarha Barey Be Wafa Ho Tum.
Hum Rijs Se Hain Door Mujasam Khata Ho Tum.
Farrar Khandan Ke Ho Our Kya Ho Tum.
Tum Mein Kala Hai Koi Na Zoor-e-Kalai Hai.
Phir Kis Liye Yeh Taig Kamar Mein Lagai Hai.
Paidal Gharon Ko Jao Yeh Rahwar Baich Kar.
Ghonghat Nikalo Sar Ki Yeh Dastar Baich Kar.
Waisay Bhi Aaye They Yahan Kirdar Baich Kar.
Ab Choriyaan Khareed Lo Talwar Baich Kar.
Nu Lakh Mein Koi Tu Iss Akas Se Laray.
Ik Mard Bhi Nahi Hai Jo Abbas Se Laray.
Saqi Hai Zikar-e-Aamad-e-Ghazi Kahan Hai Tu.
Sab Ba Wozu Hain Tere Sharabi Kahan Hai Tu.
Baithay Hain Sare Saf Mein Namazi Kahan Hai Tu.
Inn Par Chirak De Aa Ke Zara Si Kahan Hai Tu.
Hain Nokaran e Ghazi Inhein Rashk Se Pila.
Saqi Sorahi Chor Inhein Mashk Se Pila.
Saqi Alam Ke Saye Mein Ja Kar Peein Gay Hum.
Saqqay Ki Tarha Sab Ko Pila Kar Peein Gay Hum.
Saqi Qasam Ghadeer Ki Kha Kar Peein Gay Hum.
Chup Kar Hai Peena Jurm Dikha Kar Peein Gay Hum.
Bas Tere Maikaday Ka Matab, Sa Mizaj Hai.
Teri Sharab Mein Tu Jigar Ka Elaj Hai.
Saqi Woh Dekh Shair Ne Shamsheer Khainch Li.
Paton Ki Tarha Foaj-e-Addo Kanpne Lagi.
Ik Shoor Tha Keh Dhop Mein Bijli Chamak Uthi.
Barish Ki Tarha Ruk Gayi Phir Taiz Ho Gayi.
They Garq Sare Samari Dar Ki Furat Mein.
Goya Assa Tha Hazrat-e-Mosa Ke Hath Mein.
Kat Kat Ke Gir Rahe They Sitamgar Idhar Udhar.
Chalti Thi Taig Tezi Se Sar Sar Idhar Udhar.
Phirti Thi Maut Sorat-e-Nokar Idhar Udhar.
Taktay They Jibraeel Bhi Shehpar Idhar Udhar.
Aate Hain Jibraeel Ko Waswaas Kya Karein.
Opar Hai Sidrah Neechay Hain Abbas Kya Karein.
Dulhan Ki Tarha Rehta Hai Jora Bhi Iss Ka Lal.
Sare Namak Haram Hain Talwar Par Halal.
Munkir Gira Ke Kehti Thi Ghorey Se Tu Sanbhal.
Seene Pe Charh Ke Baqi Jo Dam Hai Woh Ab Nikal.
Hargiz Na Dushmanan-e-Ali Ko Tu Aar De.
Yeh Munh Bohat Banatay They Chehray Bigar De.
Kehti Thi Taig Shair Ki Sorat Shikar Do.
Murdar Mein Maza Hai Kahan Jandar Do.
Ja Kar Har Ik Risalay Mein Yeh Ishtehar Do.
Karta Nahi Hai Aik Pe Abbas Waar Do.
Yeh Shair Jis Pe Taig Chala Kar Guzar Gaya.
Be Nabz Dekhey Maut Bhi Kehti Thi Mar Gaya.
Murdoon Mein Ja Ke Chup Gaye Murdah Zameer Loag.
:SAJJAD: Tan Chupaney Lagay Sab Shareer Loag.
Darya Talak Pohanch Ke Rahe Be Nazeer Loag.
Ran Mein Lakeer Peet Rahe They Faqeer Loag.
Bolay Abalhasan Mere Akas Zindah Baad.
Kehtin Thin Fatima Zahra Mere Abbas Zindah Baad.
Poet: :Mir Sajjad Mir:
Manqabat Khuwan: :Mir Sajjad Mir:
Manqabat Volume: :Mir Sajjad Mir 2022-23:
Composition: :Nayyar Abbas Skrdu:
#JangeHazratAbbasAlamdar
#ManqabatLyrics
#tajpoint
Jang e Hazrat Abbas Alamdar Mir Sajjad Mir Lyrics 2022 Write Up Poster Image
