Alamdar Alamdar Mesum Abbas Lyrics In Urdu and Roman Urdu
عَلمدارؑ عَلمدارؑ
Jab Mashk-e-Sakina Pe Laga Teer Sitam Ka Abbas Abbas.
Bikhrey Hoye Lashon Ne Kaha Haye Hussaina Abbas Abbas.
Be Dast Alamdar Ko Be Deno Ne Mara.
Ghorey Se Gira Khak Pe Saqa-e-Sakina.
Darya Pe Utha Shoor Alamdar Alamdar.
Saqa-e-Haram Syed-o-Salar Alamdar.
Jane Se Tere Sheh Ki Kamar Toot Gayi Hai.
Abbas Tera Rasta Behan Dekh Rahi Hai.
Shabeer Hoye Jeene Se Bezaar Alamdar.
Pohanchi Yeh Khabar Khaima e Shabeer Mein Jis Dam.
Shabeer Kamar Tham Ke Karne Lagay Matam.
Yeh Bain Kiye Aye Mere Ghamkhuwar Alamdar.
Hathoon Mein Liye Kozay Taraptay Rahe Pyasay.
Our Pyason Ke Halqay Mein Sakina Ke They Nalay.
Pyason Pe Fida Ho Gaya Ghamkhuwar Alamdar.
Sadaat Ko Jab Lootney Aaein Gay Sitamgar.
Phir Kaun Bachaye Ga Teri Behna Ki Chadar.
Aa Ja Meri Chadar Ke Nigehdar Alamdar.
Bain Sakina Ne Kiya Haye Alamdar-e-Hussain.
Nehar Se Aa Jao Chacha Haye Alamdar-e-Hussain.
Karti Hoon Main Yeh Iltija Haye Alamdar-e-Hussain.
Mujhe Na Tarpao Chacha Haye Alamdar-e-Hussain.
Bazu-e-Saqa-e-Haram Haye Alamdar-e-Hussain.
Jab Hoye Darya Pe Qalam Haye Alamdar-e-Hussain.
Roney Lagay Shah-e-Ummam Haye Alamdar-e-Hussain.
Iss Se Bara Nahi Sitam Haye Alamdar-e-Hussain.
Abbas Ke Nazdeek Jo Pohanchay Sheh-e-Wala.
Sar Bhai Ka Yeh Kehte Hoye Gaud Mein Rakha.
Tum Tu Ho Meri Foaj Ke Salar Alamdar.
Aye Dharas e Shabeer Zara Aankhein Tu Kholo.
Hasrat Hai Keh Ik Bar Mujhe Bhai Tu Bolo.
Kya Yaad Hai Bachpan Ka Tumhein Pyar Alamdar.
Qasim Bhi Gaye Aoun-o-Muhammad Bhi Sidharay.
Akbar Bhi Chaley Jaein Gay Ab Baad Tumharey.
Koi Na Raha Saya-e-Dewar Alamdar.
Deti Thi Yehi Zainab-e-Dilgeer Duhai.
Main Tere Saharey Pe Watan Chor Ke Aayi.
Kyun Chor Ke Jate Ho Wafadar Alamdar.
Ghazi Ki Shahadat Pe Qayamat Ka Tha Manzar.
Kar Sakta Nahi Koi Biyaan :MEESUM-o-MAZHAR:.
Alfaz Ka Lashkar Hai Qalam Daar Alamdar.
Poet: :Mazhar Abidi:
Noha Khuwan: :Mesum Abbas:
Noha Volume: :Mesum Abbas 2023-24:
Composition: :Mesum Abbas and Mazhar Abidi:
#AlamdarAlamdar
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
