Madh e Mehdi Jab Se Ki Lyrics In Urdu 2023
Madh e Mehdi Jab Se Ki Lyrics In Urdu
Madh-e-Mehdi Jab Se Ki Toseef-e-Haider Ki Tarha.
Main Keh Ik Qatra Tha Ubhra Hoon Samandar Ki Tarha.
Aap Ki Aamad Pe Hoga Mojza Bar-e-Digar.
Phir Nazar Dewar-e-Kaba Aaye Gi Dar Ki Tarha.
Toor Samaan Jalwah-e-Mehdi Se Hogi Kainat.
Noor Jab Chamkay Ga Unn Ka Noor-e-Dawar Ki Tarha.
Zulfiqar-e-Haidery Le Kar Unhein Aane Tu Do.
Kufar Ki Basti Ulat Dein Gay Woh Khaybar Ki Tarha.
Suntay Hain Woh Seerat-o-Sorat Mein Hain Bilkul Ali.
Hain Sifat-e-Kibriya Unn Mein Bhi Haider Ki Tarha.
Aap Ke Jad Ka Makaan Hoon Di Yeh Kabay Ne Sada.
Aap Samjhein Mujh Ko Maula Apne Hi Ghar Ki Tarha.
Hujat-e-Aakhir Imam-e-Asar Ibn-e-Askari.
Yeh Bhi Ain ALLAH Hain Maula-e-Qanbar Ki Tarha.
Doob Jati Meri Kashti Dard Ke Tofan Mein.
Ban Gayi Nad-e-Ali Kashti Mein Langar Ki Tarha.
Aap Jab Rakhtay Hain Sab Maula-e-Qanbar Ki Sifaat.
Aap Ke Ashab Bhi Hoon Gay Abuzar Ki Tarha.
Aap Ko Likh Kar Areeza Manqabat Ke Rang Mein.
Mauj Mein Dil Aa Gaya Hai Moj e Kausar Ki Tarha.
Kya Likhon :REHAN: Qayam Ki Sana Qirtas Se.
Sar Nahi Uthta Qalam Ka Bhi Mere Sar Ki Tarha.
Poet: :Rehan Azmi:
15 Shaban Imam Muhammad Mehdi AS Manqabat
#MadheMehdi
#ManqabatLyrics
#tajpoint
Madh e Mehdi Jab Se Ki Lyrics In Urdu 2023 Write Up Poster Image
