Aaj Zainab Ki Shadi Ka Din Hai Ameer Hasan Aamir Lyrics In Urdu and Roman Urdu
آج زینبؑ کی شادی کا دِن ہے
Bandhtay Hain Ali Sar Pe Sehra Aaj Zainab Ki Shadi Ka Din Hai.
De Rahi Hai Dua Roh-e-Zahra Aaj Zainab Ki Shadi Ka Din Hai.
Laye Shabbar Libas-e-Arosi.
Aaye Phir Janat Se Koi Darzi.
Seene Zainab Ki Shadi Ka Jora.
Haan Wohi Hai Jo Haider Ki Zeenat.
Haan Wohi Hai Jo Zahra Ki Sorat.
Aqad Hai Aaj Ke Din Ossi Ka.
Umm-e-Salma Ne Aanchal Sanwara.
Barh Ke Fizza Ne Sadqa Utara.
Dekh Kar Bint-e-Haider Ka Jalwa.
Kyun Na Kulsoom Mehndi Lagaein.
Kyun Na Lein Barh Ke Farwa Balaein.
Chand Se Bhi Haseen Hai Yeh Chehra.
Mang Mein Taat e Haq Ki Afshan.
Our Honton Pe Hai Noor-e-Quraan.
Munh Pe Zahra Ki Ismat Ka Maqna.
Azmati Ghar Mein Shadi Rachi Hai.
Bint-e-Haider Dulhan Bn Rahi Hai.
Ho Mubarak Elahi Yeh Rishta.
Hoor-o-Ghilman Aaye Hoye Hain.
Ghar Ko Janat Banaye Hoye Hain.
Shoor Har So Salay Ala Ka.
Dil Mein Zainab Ki Ik Be Qari Hai.
Sab Hain Ghar Mein Magar Ik Kami Hai.
Hai Nahi Sar Pe Amma Ka Saya.
Aane Wali Hai Baraat Dar Par.
Aaj Hotin Jo Zahra e Athar.
Hotin Haider Ki Khushiyaan Dobala.
Dekhiye Pyar Umm Ul-Baneen Ka.
Barha Le Ke Zainab Ka Bosa.
Shukar Ka Kartay Jati Hain Sajdah.
Bint-e-Haider Bani Aaj Dulhan.
Shadmaan Hain Bohat Umm Ayeman.
Parh Rahi Hain Khushi Se Qaseeda.
Khair Muqaddam Ko Baratiyon Ke.
Aaj Salman Hain Sab Se Aagay.
Itar Abuzar Ne Sab Ko Lagaya.
Ibn-e-Abbas-o-Jabir, Huzaifa.
Rang Hai Sab Ke Rukh Par Khushi Ka.
Keh Rahe Hain Mubarak Ho Maula.
Mehmano Se Miltay Hain Sarwar.
Khana Sab Ko Khilatay Hain Shabbar.
Pani Abbas Ne Khud Pilaya.
Sehra Dono Hi Ik Shan Ka Hai.
Khon Dono Mein Imran Ka Hai.
Jaisi Dulhan Hai Waisa Hi Dulha.
Rukhsati Ki Ghari Aa Chuki Hai.
Beti Susral Ko Ja Rahi Hai.
Chashm-e-Haider Mein Chamka Sitara.
Manqabat Ke Yeh Ashar :ASGHAR:.
Hoon Gay Khush Sun Ke :AAMIR: Se Haider.
Dein Gay Dono Ko Beti Ka Sadqa.
Poet: :Maulana Nadeem Asghar:
Manqabat Khuwan: :Ameer Hasan Aamir:
Manqabat Volume: :Ameer Hasan Aamir 2017-18:
#AajZainabKiShadi
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com