Lasha Behan Behan Syed Raza Abbas Zaidi Lyrics In Urdu 2012
Lasha Behan Behan Syed Raza Abbas Zaidi.
Guzri Jo Qatal Ga Se Zainab Jigar Figar.
Aankhein Lahu Lahu Thin Badan Par Ghamo Ka Bar.
Lashon Ko Dekh Dekh Ke Roti Thi Zaar Zaar.
Kehti Thi Jald Aaiye Ya Shah-e-Zulfiqar.
Kaisay Bataon Kya Mere Dil Par Guzar Gayi.
Lashay Pe Be Watan Ke Jo Main Nangay Sar Gayi.
Ghurbat Mein Qatal Ho Gaya Mazloom Be Watan.
Main Bhai Bhai Kehti Thi Lasha Behan Behan.
Teeron Pe Tha Rakha Howa Lasha Hussain Ka.
Doba Howa Lahu Mein Tha Kurta Hussain Ka.
Aawaz Thi Hussain Ki Behna Kafan Kafan.
Aayi Na Raas Do Ghari Pardais Ki Fiza.
Kunba Shaheed Ho Gaya Mera Ghar Ujar Gaya.
Pardais Dais Ghair Ka Apna Watan Watan.
Ik Dil Pe Dagh Main Ne Bahatar Utha Liye.
Kuch Dagh Main Ne Qalb Ke Andar Chupa Liye.
Chuptay Nahi Chupaney Se Daag-e-Rasan Rasan.
Dekha Hai Baba Main Ne Jo Manzar Bataon Kya.
Naizon Pe Tha Rakha Howa Sar Har Shaheed Ka.
Ghoron Ke Dorney Se Tha Tukray Badan Badan.
Qasim Ki Lash Laye They Daman Mein Shah-e-Dein.
Sehrey Se Be Niyaz Thi Noshah Ki Jabeen.
Ik Shab Ki Reh Na Payi Na Jis Ki Dulhan Dulhan.
Barchi Kaleja e Ali Akbar Mein Jab Lagi.
Baba Ko Di Sada Kabhi Aawaz Mujh Ko Di.
Kehta Tha Seena Tham Ke Amma Chubhan Chubhan.
Baba Hasan Se Baba Hussain-e-Shaheed Tak.
Baba Ameer Sham Se Door-e-Yazid Tak.
Loota Hai Ahl-e-Sham Ne Baba Chaman Chaman.
Ghazi Ke Baad Our Qayamat Guzar Gayi.
Pyason Ki Aas Toot Ke Ban Mein Bikhar Gayi.
Ik Shoor Al-Atash Ka Bapa Tha Dahan Dahan.
Yeh Nokari Bhi Khoob Hai :REHAN: Our :RAZA:.
Bhai Ki Nokari Ka Behan Ne Diya Sila.
Haan Woh Behan Yeh Noha Tha Jis Ka Sukhan Sukhan.
Poet: :Rehan Azmi:
Noha Khowan: :Syed Raza Abbas Zaidi:
Noha Volume: :Syed Raza Abbas Zaidi 2012-13:
#LashaBehanBehan
#NohayLyrics
#tajpoint
Lasha Behan Behan Syed Raza Abbas Zaidi
Lasha Behan Behan Syed Raza Abbas Zaidi Lyrics In Urdu 2012 Write Up Poster Image
