Shabbir Se Mango Syed Mudassir Mehdi 2023 Urdu Lyrics
شبیرؑ سے مانگو
Sar-e-Karb-o-Bala Yeh Manzilat Shabbir Se Mango.
Oh Zawwaro! Khuda Ki Marifat Shabbir Se Mango.
Katein Bazo, Lagin Teer Aankh Mein Hoon Jism Ke Tukray.
Rahein Hum Taat e Sarwar Mein Pairokar Ghazi Ke.
Kaf-e-Abbas Par Yeh Khasiyat Shabbir Se Mango.
Jo Misal-e-Qasim-o-Aoun-o-Muhammad, Akbar-o-Asghar.
Imam-e-Waqt Ki Khatir Sar-e-Maqtal Kataein Sar.
Azadaro! Tum Aisi Zurriyat Shabbir Se Mango.
Habib Ibn-e-Mazahir, Jaun-o-Ibn-e-Aowsaja Jaisi.
Saeed-o-Wahab-o-Hur, Nafay, Zuhair-o-Nasar-o-Abis Si.
Sar-e-Ganjay Shaheedan Haisiyat Shabbir Se Mango.
Ba Ahsas-e-Nadamat Khidmat-e-Sheh Mein Youn Ho Peshi.
Miley Farzand-e-Zahra Se Sand Tum Ko Moafi Ki.
Janab-e-Hur Ke Jaisi Mazrat Shabbir Se Mango.
Nazar Ho Jazba e Esar Ansar-e-Hussaini Par.
Tarap Uthtay Jo Behar-e-Nusrat-e-Mehdi Dil-e-Muztar.
Sipah-e-Karbala Si Ahliyat Shabbir Se Mang.
Ba Yaad-e-Zainab-o-Abid Lipat Kar Turbat-e-Sheh Se.
Khilaf-e-Kufar Jo Qayam Rahe Har Haal Mein Dat Ke.
Woh Azam-o-Hosla Woh Shaksiyat Shabbir Se Mango.
Maqam-e-Khaima Ga-o-Tilla e Zainab Pe Khoon Ro Kar.
Jo Ho Maqbool-e-Darbar-e-Batool-o-Zainab-e-Muztar.
Woh Ikhlas e Azza-o-Taziyat Shabbir Se Mango.
Bara-e-Nusrat-e-Qayam, Bara-e-Matam-e-Sarwar.
:MUDASSIR: Our :IRAM: Koshaan Rahein Hum Ta Dam-e-Mehshar.
Wilayat Se Munawwar Aqbat Shabbir Se Mango.
Poetess: :Shumaila Iram:
Noha Khowan: :Syed Mudassir Mehdi:
Noha Volume: :Syed Mudassir Mehdi 2023-24:
Composition: :Syed Mudassir Mehdi:
#ShabbirSeMango
#NohayLyrics
#tajpoint
