Zahra Ka Janaza Hai Dafnane Ali Aaye Lyrics In Urdu 2023
Zahra Ka Janaza Hai Dafnane Ali Aaye.
Hai Raat Ki Veerani Syeda Ke Soag Chaye.
Bharki Jo Aag Dar Pe Woh Atish-e-Fidak Thi.
Jo Sholon Mein Haye Tarpi Woh Malik-e-Falak Thi.
Rutbay Dar-e-Batool Ke Ummat Ne Hain Bhulaye.
Pehla Shaheed Mohsin Bunyad-e-Karbala Hai.
Sehan-e-Fatima Hai Maqtal Lasha Para Howa Hai.
Zahra Ke Sath Jis Seene Pe Zakhm Khaye.
Darbar Ki Aziyat Bait Al-Huzan Mein Rona.
Farzand-e-Fatima Ka Haye Shaheed Hona.
Yeh Dard Fatima Ko Ghar Se Qabar Mein Laye.
Taboot Jab Uthaya Ro Ro Ke Ya Ali Ne.
Hasnain Sang Matam Kiya ALLAH Ke Wali Ne.
Matam Haye Betiyon Ka Maula Na Dekh Paye.
Zainab Bhi Ghar Se Bahir Maiyyat Ke Sath Aayi.
Khaybar Shikan Ne Ro Ke Har Samt Di Duhai.
Zainab Ke Gird Parday Hasnain Ne Banaye.
Zainab Dedar e Aakhir Maa Ka Hai Aaj Kar Lo.
Aankhon Mein Maa Ki Sorat Jee Bhar Ke Aaj Bhar Lo.
Soyi Hoi Kafan Mein Chehray Ko Hai Chupaye.
Utray Qabar Mein :SHABBAR: Sarkar-e-Mustafa Bhi.
Hasnain Ko Dilasay Detey Hain Murtaza Bhi.
Ghamgeen Ya Ali Hain Maiyyat Ko Khud Uthaye.
Poet: :Syed Shabbar Naqvi:
Soz: :Khan Sheraz Khan:
Markzi Matami Dasta MSO Sialkot
#ZahraKaJanazaHai
#NohayLyrics
#tajpoint
Zahra Ka Janaza Hai Dafnane Ali Aaye Lyrics In Urdu 2023 Write Up Poster Image
