Allah Hu Allah Muhammad Raza Mungla Lyrics In Urdu
اللہ ھو اللہ
Tu Rab e Panjtan e Pak Hai Tu Yakta Hai.
Tu La Shareek Hai Koi Na Tere Jaisa Hai.
Tu Alamin Ka Khaliq Hai Sab Se Aala Hai.
Tere Hi Noor Se Konain Mein Ujala Hai.
Qabool Karta Hai Ashk-e-Nadamat-o-Toba.
Moaf Karta Hai Sab Asiyon Ko Tu Mola!
Tu Badshah-e-Do Aalam Tu Kibriya Yazdaan!
Tere Hi Qabza e Qudrat Mein Hain Zameen-o-Zamaan.
Har Ik Zabaan Pe Musalsal Hai Tera Zikar Rawaan.
Tu Meharbaan Bhi Hai Ghaffar Bhi Mere Rehmaan!
Tu Sab Se Barh Ke Jo Mushfiq Mizaj Rakhta Hai.
Pareshaan Haal Sadaon Ki Laaj Rakhta Hai.
Ba Haq e Fatima Aye Khaliq-e-Zaman-o-Jahan!
Har Ik Marz Se Atta Kar Tu Momino Ko Ammaan.
Nahi Hai Hum Mein Sakat Seh Sakein Mazeed Zyaan.
Tere Karam Se Salamat Rahein Bazurg-o-Jawaan.
Utha Ke Dast-e-Dua Ajazi Se Mangtay Hain.
Keh Tu Hi Sunta Hai Mola! Tujhi Se Mangtay Hain.
Elahi! Wasta Tujh Ko Rida-e-Zainab Ka.
Rahe Sharefon Ka Mehfooz Ta Abad Pardah.
Ba Haq e Bali Sakina Ho Unn Pe Khas Atta.
Unhein Naseeb Rahe BiBi Syeda Ki Raza.
Jinhein Hai Bakht Kushai Ki Chah, Kar Dena.
Khudaya! Jholiyaan Khali Hain Jo Bhi, Bhar Dena.
Jo Tang Dast Hain Banday Barha De Rizq Unn Ka.
Khula Rahe Tere Bandon Pe Tera Dast-e-Atta.
Hai Be Kasoon Ko Bhi Dunya Mein Aasra Tera.
Kar Unn Ki Mushkilein Aasaan Khuda-e-Jood-o-Sakha!.
Karam Ho Aal-e-Nabi Ka Hai Wasta Tujh Ko.
Basad Khalos Pukara Hai Aye Khuda Tujh Ko!.
Hai Iltija Dil-e-Momin Ki Rab e Arz-o-Sama!.
Ho Izn Hajj-o-Ziyaraat Ka Humein Bhi Atta.
Tawaf Hum Bhi Karein Barha Sar-e-Kaba.
Pukara Jaye Humein Zair-e-Sheh-e-Wala.
Dua :RAZA:-o-:IRAM: Ki Yeh Jald Pori Ho.
Imam-e-Asar Ka Ya Rab! Zahoor Jaldi Ho.
Poetess: :Shumaila Iram:
Manqabat Khowan: :Muhammad Raza Mungla:
Manqabat Volume: :Muhammad Raza Mungla 2023-24:
Composition: :Muhammad Raza Mungla:
#ShabbirSeMango
#ManqabatLyrics
#tajpoint
