Suno Zainab Ki Sana Joan Rizvi Lyrics In Urdu
سُنو زینبؑ کی ثنا، سُنو زینبؑ کی ثنا
Zainab Ki Sana Sunney Ko Khamosh Hain Sare.
Khud Ahl-e-Falak Bhi Hama Tan Gosh Hain Sare.
Dil Sab Ka Sar-e-Arsh Agar Hai Tu Sunein Phir.
Hai Kis Ki Yeh Midhat Yeh Khabar Hai Tu Sunein Phir.
Mamdoh Ki Azmat Pe Nazar Hai Tu Sunein Phir.
Jibreel Sa Seene Mein Jigar Hai Tu Sunein Phir.
Yeh Baat Hai Baton Mein Bari Baat Zabaan Par.
Kuch Midhat-e-Zainab Se Hain Aayat Zabaan Par.
Madar Ki Tarha Beti Bhi Hai Noor Ka Paikar.
Woh Bint-e-Payamber Tu Yeh Haider Ki Hai Dukhtar.
Khilqat Mein Yeh Anwar-e-Elahi Ka Hai Johar.
Pakeeza Hasab Aali Nasab Nasal-e-Payamber.
Takhleeq Mein Fakhar-e-Shah e Lolaak Hai Zainab.
Tatheer Mein Zahra Ki Tarha Pak Hai Zainab.
Shaban Ki Pehli Ka Yeh Din Kitna Hai Pyara.
Norani Hijabaat Se ALLAH Ne Sanwara.
Iss Din Ali Pe Hazrat-e-Zainab Ko Utara.
Iss Din Ki Taraf Dekh Ke Kaba Yeh Pukara.
Haider Ki Tarha Yeh Meri Umeed Ka Din Hai.
ALLAH-o-Payamber Ke Liye Eid Ka Din Hai.
Zeenat Hai Ali Rab Ki, Ali Ki Hai Yeh Zeenat.
Qowat Hai Ali Rab Ki, Ali Ki Hai Yeh Qowat.
Ismat Hai Ali Rab Ki, Ali Ki Hai Yeh Ismat.
Izzat Hai Ali Rab Ki, Ali Ki Hai Yeh Izzat.
Zainab Ki Haqeeqat Ko Koi Paye Tu Kaisay.
Sidrah Se Koi Aagay Bhala Jaye Tu Kaisay.
Aa Kar Ali Ki Gaud Mein Lab Khol Ke Boli.
Bolay Jo Ali Woh Hi Zabaan Bool Ke Boli.
Quran Ke Lehjay Ki Girah Khol Ke Boli.
Kuch Iss Tarha Lafz Apna Har Ik Tool Ke Boli.
Nutaq e Jali Mein Nutaq e Ali Tolon Gi Ik Din.
ALLAH Ke Ali Ki Tarha Main Bolon Gi Ik Din.
Ki Hai Jo Risalat Ki Wilayat Ki Wakalat.
Zainab Ne Bachai Hai Jo Kul Nabiyon Ki Mehnat.
Kandhoon Pe Uthati Rahi Jo Bar-e-Imamat.
Sabit Issi Se Hoti Hai Iss Bibi Ki Azmat.
Nabiyon Ki Madad Ke Liye Imdad e Ali Hai.
Yeh Barah Imamon Ke Liye Nad-e-Ali Hai.
Gar Chahti Tu Apni Shajat Tu Dikhati.
Qadir Thi Tu Iss Par Keh Ali Ban Ke Batati.
Ik Waar Mein Nu Lakh Ke Sar Dhar Se Urati.
Talwar Tere Wastay Bhi Arsh Se Aati.
Mastoor Thi, Bint e Ali Majboor Nahi Thi.
Talwar Tere Hathoon Se Kuch Door Nahi Thi.
Woh Kaat Thi Keh Teer-o-Tabar Kaat Ke Aayi.
Baiyat Ke Parinday Ke Bhi Par Kaat Ke Aayi.
Utari Saron Mein Our Jigar Kaat Ke Aayi.
Shabbir Pe Uthi Jo Nazar Kaat Ke Aayi.
Shamsheer-e-Khatabat Ne Garor Aisay Uraya.
Sar Samne Zainab Ke Koi Uth Nahi Paya.
Paigham Zamane Ko Hai Zainab Ka Sunata.
Our Naam Se Zainab Ke Hai Zalim Ko Darata.
Gar Koi Yazid Uthey Yeh Oss Ko Hai Girata.
Har Shimar Sift Fikar Ko Ab Tak Hai Mitata.
Yeh Lar Jo Raha Hai Haq-o-Batil Ki Larai.
“Islam” Ko Hai Hazrat-e-Zainab Ne Sikhayi.
Ashor Ka Woh Roz Woh Har Simt Tabahi.
Iss Haal Mein Bhi Zikar-e-Elahi Nahi Bholi.
Sajday Bhi Ada Karti Thi Matam Bhi Thi Karti.
Dono Pe Amal Bibi Ka Batlata Hai Yeh Hi.
Matam Ki Namazein Thin Jo Har Waqt Ada Kain.
Jo Rab Ki Namazein Thin Woh Bar Waqt Ada Kain.
Kyun :JOAN:-o-:ASAD: Tum Ho Pareshaan Yahan Aao.
Chokhat Hai Yeh Bibi Ki Yahan Sar Ko Jhukao.
Khud Bakht Yahan Badlein Gay Tum Dekhtey Jao.
Hajat Hai Koi Dil Mein Tu Bibi Ko Batao.
Jab Mojza Karti Hain Juda Karti Hain Zainab.
Jo Mang Lo Inn Se Woh Atta Karti Hain Zainab.
Poet: :Asad Ali Asad:
Manqabat Khuwan: :Joan Rizvi:
Manqabat Volume: :Joan Rizvi 2023-24:
Composition: :Tasawar Abbas Tashna:
#SunoZainabKiSana
#ManqabatLyrics
#tajpoint
