Tiflan e Muslim Sajjad o Mesum Zaidi Lyrics In Urdu
مسلمؑ کے دونوں لعل نواسے علیؑ کے ہیں
Muslim Ke Dono Lal Nawasay Ali Ke Hain.
Aks-e-Abu Turab Hain Muslim Ke Gulbadan.
Islam Ka Shabab Hain Muslim Ke Gulbadan.
Har Kufar Ka Jawab Hain Muslim Ke Gulbadan.
Tauheed Ke Ghulab Hain Muslim Ke Gulbadan.
Haq Ki Haqeeqaton Ka Hi Mafhoom Ho Gaye.
Do Anbiya Ke Isamo Se Mosoom Ho Gaye.
Yeh Dono Shah Zaday Hain Khilqat Ka Ik Kamal.
Farzand Hain Yeh Jis Ke Hain Aap Apni Woh Misal.
Chehray Mein Inn Ke Chehra e Haider Ke Khad o Khal.
Yousuf Ho Inn Ke Samne Yousuf Ki Kya Majal.
Hoon Inn Ke Robaro Tu Sitarey Bhi Maand Hain.
Muslim Ke Chand Bhi Bani Hashim Ke Chand Hain.
Dono Ka Husan Husan-e-Rukh-e-Kirdegar Hai.
Dono Mein Noor-e-Rab-e-Jali Jalwa Bar Hai.
Har Aik Unn Mein Husan Ka Aaina Daar Hai.
Dono Mein Aks-e-Chehra e Parwardigar Hai.
Kaisay Biyaan Hoon Zawiye Inn Ki Jaben Ke.
Yeh Dono Shah Zaday Hain Umm Ul-Banin Ke.
Yeh Rang Roop Kab Kissi Gul Ya Kali Ke Hain.
Yeh Nasal Hain Aqeel Ki Betay Wali Ke Hain.
Sheron Ka Jo Muhalla Hai Yeh Oss Ghali Ke Hain.
Abbas Ke Hain Bhanjay Nawasay Ali Ke Hain.
Islam Ki Baqa Hi Tu Inn Ka Janoon Hai.
Inn Ki Ragoon Mein Bhi Abu Talib Ka Khon Hai.
Inn Sa Kahin Kissi Ka Bhi Jah-o-Hasham Nahi.
Inn Ke Gharanay Jaisa Koi Mohtaram Nahi.
Hai Kaun Sa Khuda Ka Jo Inn Par Karam Nahi.
Shabbir Ko Yeh Asghar-o-Akbar Se Kam Nahi.
Dono Sakoon-e-Qalb-e-Payamber Ka Chain Hain.
Chashm-e-Ali Mein Yeh Bhi Hasan Our Hussain Hain.
Dono Kamal-e-Qudrat-e-Rab-e-Mobeen Hain.
Dono Dil-e-Hussain Ke Andar Maken Hain.
Soraj Ko Jin Pe Rashk Yeh Woh Meh Jaben Hain.
Dono Hi Bhai Husan Se Barh Kar Hasen Hain.
Kartay Yeh Hamlay Haider-e-Karrar Ki Tarha.
Lartay Tu Yeh Bhi Lartay Alamdar Ki Tarha.
Poet: :Noor Ali Noor:
Manqabat Khuwan: :Sajjad o Mesum Zaidi:
Manqabat Volume: :Sajjad o Mesum Zaidi 2023-24:
Composition: :Rizwan Zaidi:
#TiflaneMuslim
#ManqabatLyrics
#tajpoint