Saye Mein Imam Raza Manqabat Lyrics 2024
Saye Mein Imam Raza Manqabat 2024
Qalam Uthaya Hai Main Ne Sana Ke Saye Mein.
Milein Gay Lafz Bhi Mujh Ko Atta Ke Saye Mein.
Qalam Pe Aya-e-Tatheer Kar Ke Dam Main Ne.
Likhi Raza Ki Sana Innama Ke Saye Mein.
Jo Chahtey Ho Keh Mushkil Na Rah Mein Aaye.
Safar Kiya Karo Maula Raza Ke Saye Mein.
Mareez Paye Ga Foran Shifa Yaqeen Karo.
Jo Aa Ke Baithay Ga Sehan-e-Shifa Ke Saye Mein.
Woh Kaisay Samjhay Ga Maula Raza Ke Rutbay Ko.
Guzari Umar Ho Jis Ne Khata Ke Saye Mein.
Dar-e-Raza Ka Hoon Mangta Nahi Hai Fikar Mujhe.
Hai Milta Rizq Bhi Baab-e-Sakha Ke Saye Mein.
Pali Hussain Ke Saye Mein Jis Tarha Zainab.
Pali Hai Masooma Waisay Raza Ke Saye Mein.
Muhammad-o-Ali-o-Fatima Hussain-o-Hasan.
Hain Inn Ke Sath Raza Bhi Kisa Ke Saye Mein.
Janab-e-Ghazi Ke Parcham Ko Chom Kar Main Ne.
Likha Raza Ka Qaseeda Wafa Ke Saye Mein.
Bulaein Gay Mujhe Debal Ki Tarha Ab Maula.
Sana Karon Ga Main Ja Kar Raza Ke Saye Mein.
Bola Lo Sindh Se Ab :MOHTASHAM: Ko Mashhad Mein.
Rahe Woh Aap Ke Lutf-o-Atta Ke Saye Mein.
Poet: :Mirza Ahsan Abbas Mohtasham:
#SayeMein
#ManqabatLyrics
#tajpoint
Saye Mein Imam Raza Manqabat Lyrics 2024 Write Up Poster Image
