Dafn Kaise Hui Zahra Shahid Baltistani 2024

Dafan Kaisay Hoin Zahra Yeh Ali Jantay Hain.
Kaisay Turbat Mein Utara Yeh Ali Jantay Hain.

Dar Ke Girney Se Howa Jis Ka Shikasta Pehlu.
Pasliyaan Zakhmi Thin Our Toot Chuka Tha Bazu.
Kaisay Utha Woh Janaza Yeh Ali Jantay Hain.

Samne Oss Ke Tha Amma Ne Tamacha Khaya.
Kitne Din Jane Hasan Kuch Na Kissi Se Bola.
Woh Na Bholay Ga Tamacha Yeh Ali Jantay Hain.

Ghusal Detey Hoye Zahra Ko Ali Rotay Rahe.
Ab Talak Hath Pe Zakhmo Ke Nishaan Baqi They.
Kis Ne Mara Tha Woh Durrah Yeh Ali Jantay Hain.

Pasliyaan Toot Chukin Jab Yeh Ali Ne Dekha.
Karb Se Cheekh Ke Maula Ne Kaha Ya Zahra.
Ghusal Kis Tarha Diya Tha Yeh Ali Jantay Hain.

Sans Letey Hoye Takleef Se Karahti Thi.
Dard Itna Tha Ke Karwat Bhi Na Le Pati Thi.
Kab Se Soyi Nahi Zahra Yeh Ali Jantay Hain.

Khud Tu Sab Seh Gayi Seh Na Saki Betay Pe Sitam.
Maut Se Kam Na Tha Mohsin Ki Judai Ka Gham.
Kaisay Ik Maa Ko Sanbhala Yeh Ali Jantay Hain.

Baap Ka Pursa Jissay Deney Na Aaya Koi.
Roti Rehti Thin Jo Turbat Se Lipat Kar Bibi.
Kitna Yaad Aate They Baba Yeh Ali Jantay Hain.

Zakhm Kha Kar Bhi Wilayat Ki Hifazat Ki Hai.
Ja Ke Dar Dar Pe Youn Zahra Ne Gawahi Di Hai.
Kitna Ahsan Hai Oss Ka Yeh Ali Jantay Hain.

Kitni Mazloom Thi Zakhmi Thin Nabi Ki Beti.
Qabar Bhi Maula Ne :ZEESHAN: Chupa Di Oss Ki.
Hai Kahan Marqad-e-Zahra Yeh Ali Jantay Hain.

Poet: :Zeeshan Abidi:
Noha Khuwan: :Shahid Baltistani:
Noha Volum: :Shahid Baltistani 2024-25:
Composition: :Shahid Baltistani:

#DafnKaiseHuiZahra
#NohayLyrics
#tajpoint