Ikhtiyar e Hussain Allay Hassan Rizvi Lyrics Urdu 2025
Ikhtiyar e Hussain Allay Hassan Rizvi.
Khuda Ki Marzi Pe Aisa Hai Ikhteyar e Hussain.
Rasool Sajday Mein Kartay Hain Intezar-e-Hussain.
Zameen Pe Koi Mualla Ho Jo Mera Ghar Ho.
So Muntahib Kiya ALLAH Ne Mazar-e-Hussain.
Ali Pe Jaisay Kiya Kartay They Rasool-e-Kareem.
Hai Issi Tarha Se Ghazi Pe Ayetabar e Hussain.
Habib Ibn-e-Mazahir Ka Yeh Taruf Hai.
Muhib, Rafeeq e Madadgar e Janisar e Hussain.
Jab Aik Raat Ki Mohlat Ka Raaz Jan Gaya.
Tu Totney Na Diya Hur Ne Ayetabar e Hussain.
Gala Kata Ke Padar Ne Banaya Inn Ko Imam.
Banay Youn Syed-e-Sajjad Wirsa Dar-e-Hussain.
Yeh Ayhtiyaat Bara-e-Sawar-e-Dosh-e-Rasool.
Keh Sans Leta Hai Dheray Se Rahwar e Hussain.
Khuda Ka Jaisay Hain Shahkar Mustafa-o-Ali.
Hain Aisay Akbar-o-Abbas Shahkar e Hussain.
Hussain Naam Hai :MUSHAF: Magar Main Chahta Hoon.
Zamana Mujh Ko Pukarey Sana Guzar e Hussain.
Poet: :Syed Mushaf Hussain Naqvi:
Manqabat Khuwan: :Allay Hassan Rizvi:
Manqabat Volume: :Allay Hassan Rizvi 2024-25:
Composition: :Muhsin Jaffri:
#IkhtiyareHussain
#ManqabatLyrics
#tajpoint
Ikhtiyar e Hussain Allay Hassan Rizvi Lyrics Urdu 2025 Write Up Poster Image
