Zehra Ki Azmat Shanawaz Ali Lyrics Urdu 2025
Zehra Ki Azmat Shanawaz Ali Lyrics Urdu
Rasool Zahra Ki Azmat Jinhein Batatay Rahe.
Wohi Madine Mein Zahra Pe Zulm Dhatay Rahe.
Tha Bugz Seeno Mein Jin Logon Ke Imamat Se.
Ali Ke Samne Zahra Pe Zulm Kar Kar Ke.
Ali Ko Khon Ke Aanso Wohi Rolatay Rahe.
Maqam-e-Fatima Jin Logon Ne Na Pehchana.
Qalam Dawaat Woh Jin Se Rasool Ne Manga.
Laga Ke Aag Woh Zahra Ka Dar Jalatay Rahe.
Gira Ke Fatima Pe Dar Guzar Rahe They Laeen.
Batool Sholon Ki Zad Mein Yeh Kaisay Sehti Rahein.
Na Jane Fatima Ko Sans Kaisay Aate Rahe.
Bana Ke Zahra Ki Turbat Ali Jo Uthnay Lagay.
Tha Itna Zakhmi Jigar Gham Se Keh Woh Uth Na Sakay.
Tu Dair Tak Wahin Aanso Ali Bahatay Rahe.
Sitam Jo Fizza Ne Zahra Pe Hotey Dekhey Hain.
Gawah Hain Aanso Keh Fizza Ko Woh Na Bholay Hain.
Nabi Ki Beti Ke Gham Fizza Ko Rolatay Rahe.
Tamacha Mara Gaya Unn Pe Dar Giraya Gaya.
Hamari Maa Ko Madine Mein Hai Sataya Gaya.
Hussain, Ghazi Ko Har Ik Sitam Batatay Rahe.
Yehi Nahi Keh Faqat Fatima Ko Mara Tha.
Yeh Waqt Guzra Tu Ik Waqt Aisa Bhi Aaya.
Keh Loag Zahra Ki Har Beti Ko Satatay Rahe.
:ASAD: Yehi Tu Faqat Pochtay Hain Ahl-e-Azza.
Yeh Kaisa Ajar-e-Risalat Tha Logon Ne Jo Diya.
Nabi Ki Aal Ko Hain Loag Kyun Satatay Rahe.
Poet: :Asad Ali Asad:
Noha Khuwan: :Shanawaz Ali:
Noha Volume: :Shanawaz Ali 2024-25:
Composition: :Waheed Ul Hasan Kamalvi:
#ZehraKiAzmat
#NohayLyrics
#tajpoint
Zehra Ki Azmat Shanawaz Ali Lyrics Urdu 2025 Write Up Poster Image
