Aakhri Sanso Mein Zahra Ki Sada Thi Ya Hussain Lyrics Urdu 2025
Aakhri Sanso Mein Zahra Ki Sada Thi Ya Hussain.
Baad Mere Fizza Ko Tum Maa Bolana Ya Hussain.
Aa Ke Ruktay They Jahan Khud Bhi Rasool-e-Do Jahan.
Main Bhula Sakti Nahi Woh Dar Jalana Ya Hussain.
Jis Tarha Haider Ko Mana Na Imam-e-Waqt Hai.
Oss Tarha Tum Ko Na Manay Ga Zamana Ya Hussain.
Qatal-e-Mohsin Jis Tarha Se Kar Diya Ashab Ne.
Khon Asghar Ka Hai Zalim Ne Bahana Ya Hussain.
Daal Kar Gardan Mein Rasi Qaid Haider Ko Kiya.
Qaidi Ban Kar Sham Hai Abid Ko Aana Ya Hussain.
Main Gayi Darbar Mein Ashab Ke Haq Mangney.
Be Rida Zainab Ko Hai Darbar Jana Ya Hussain.
Main Ne Totay Hath Se Kurta Siya Abbas Ka.
Baat Yeh Tum Mere Ghazi Ko Batana Ya Hussain.
Ho Atta Tum Ko Sakina Jaisay Hi Aye Mere Lal.
Choti Zahra Keh Ke Tum Oss Ko Bolana Ya Hussain.
Jis Tarha Rukhsar Zakhmi Kan Zakhmi Hain Mere.
Zulm Aisay Hi Sahey Gi Haye Sakina Ya Hussain.
Dekh Kar Mar Jaye Na Akbar Ka Lasha Dasht Mein.
Lasha-e-Akbar Ko Zainab Se Chupana Ya Hussain.
Bach Na Paein Gay Adoye Fatima, :ZEESHAN: Tab.
Hoga Mere Maula Mehdi Ka Jab Aana Ya Hussain.
Poet: :Malik Zeeshan Haider:
Composition: :Shehzil Rizvi:
Sangat Hussaini Noha Khuwaan
Imam Bargah Ashor Khana Qamar e Bani Hashim Karachi
#AakhriSansoMeinZahra
#NohayLyrics
#tajpoint
Aakhri Sanso Mein Zahra Ki Sada Thi Ya Hussain Lyrics Urdu 2025 Write Up Poster Image
