Aey Toos K Waali Mir Hasan Mir Lyrics Urdu 2025
Aey Toos K Waali Mir Hasan Mir Lyrics
Tu Khud Bhi Ali Hai Tera Darbar Bhi Aali.
Taqdeer Ka Daman Hai Tere Rozay Ki Jali.
Kano Mein Musalsal Teri Aawaz-e-Karam Hai.
Jab Tu Hai Mere Sath Tu Kis Baat Ka Gham Hai.
Dunya Ka Nasha Karta Nahi Tera Mawali.
Anwar-e-Do Aalam Hain Tere Noor Ka Sadqa.
Kehte Hain Tujhey Shams-e-Shamoos Iss Liye Maula.
Tu Ne Hai Bhari Noor Se Soraj Ki Yeh Thali.
Firdos Nagar Apne Muhibbon Ko Dikhaya.
Kabay Na Gaye Phir Bhi Unhein Haji Banaya.
Rozay Pe Tere Aaye Magar Hajj Ki Jaza Li.
Nobat Ka Mere Dil Se Asar Ja Nahi Sakta.
Mujh Par Tu Bura Waqt Kabhi Aa Nahi Sakta.
Sansoon Ki Ghari Sehan-e-Shifa Se Hai Mila Li.
Har Gyarween Zeeqad Ko Hota Hai Yeh Maula.
Masooma Se Hum Mangtay Hain Aap Ka Sadqa.
Eidi Humein Phir Deti Hain Masooma Nirali.
Milta Hai Mujhe Jab Koi Munkir Tera Aa Kar.
Kehta Hoon Main Oss Se Parho Salwat Raza Par.
Leta Hoon Youn Badla Tere Munkir Se Misali.
Main Chahta Kya Hoon Yeh Khuda Poch Raha Hai.
Khud Katib-e-Taqdeer Riza Poch Raha Hai.
Iss Waqt Mere Hathoon Mein Hai Rozay Ki Jali.
Aye Panchwein Shabbir Tu Be Sheer Ke Sadqay.
Aagosh Mein Maon Ki Azadar Pisar De.
Jo Jholiyaan Hain Aaj Tak Aoulad Se Khali.
Arbab-e-Khurasaan Ki Kafalat Mein Rahe Gi.
Aaho Ki Tarha Teri Zamanat Mein Rahe Gi.
Main Ne Jo Tere Rizq Pe Aoulad Hai Pali.
Dadi Ka Teri Wasta Jab Detey Hain Zawwar.
Daman Teri Khairat Se Bhar Letey Hain Zawwar.
Khali Tu Chaley Aate Hain Jate Nahi Khali.
Eman Hai Malik Yeh Tere :MIR HASAN: Ka.
Tum Keh Do Tu Woh Bhi Karey Murdah Abhi Zindah.
Yeh Oss Ka Aqeeda Hai Nahi Kham Khiyali.
Poet: :Mir Hasan Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2024-25:
Compostion: :Mir Qasim Mir:
#AeyToosKWaali
#ManqabatLyrics
#tajpoint
New Imam Raza Manqabat Aey Toos K Waali Mir Hasan Mir Lyrics
Aey Toos K Waali Mir Hasan Mir Lyrics Urdu 2025 Write Up Poster Image
