Tera Takallum Chehak Raha Hai Misal e Gulshan Mehak Raha Hai Lyrics Urdu 2025
Tera Takallum Chehak Raha Hai Misal e Gulshan Mehak Raha Hai.
Zamane Walon Ko Khar Yeh Hai Na Ruk Raha Hai Na Thak Raha Hai.
Zameen-e-Midhat Pe Tera Dushman Bilak Raha Tha Bilak Raha Hai.
Hamari Saif e Qalam Se Maula Lahu Musalsal Tapak Raha Hai.
Jala Ke Rakh De Ga Sari Dunya Agar Zaban-e-Sukhan Se Phota.
Kisay Dikhaon Tere Elawah Jo Lawa Seene Mein Pak Raha Hai.
Yeh Shehar Bhi Hai Madine Jaisa Kisay Sunaon Tera Qasida?.
Koi Idhar Se Khisak Raha Hai Koi Idhar Se Khisak Raha Hai.
Nabi Ki Beti Ke Dushmano Ka Shorow Kis Din Tamasha Hoga.
Hamari Aankhon Ka Pardah Maula Tumhare Parday Ko Tak Raha Hai.
Khuda Ne His Di Hai Janwar Ko Yeh Bhanp Leta Hai Zalzalon Ko.
Ghadeer Koson Hai Door Abhi Se Kissi Ka Naqa Bidak Raha Hai.
Imam-e-Aakhir Se Ghairiyat Bhi, Hasool-e-Shohrat Bhi Manfeat Bhi.
Tumhare Kashkool-e-Zakiri Mein Yeh Kis Ka Sikka Khanak Raha Hai.
Kissi Kissi Ko Dikhai Deney Laga Hai Noor-e-Khuda Ka Jalwa.
Zahoor-e-Sughra Tu Ho Chuka Hai Zamana Ab Tak Bhatak Raha Hai.
Hazoor Purkhon Ki Ab Wirasat Sanbhal Lijay Bazor e Taqat.
Hai Aaj Qabzey Mein Aisay Kaba Keh Jaisay Bag-e-Fidak Raha Hai.
Na Zikar-e-Mehdi Pe Munh Banana Na Ungli Ghaibat Pe Tum Uthana.
Tamacha Par Jaye Ga Ghazab Ka, Alam Ka Panja Lachak Raha Hai.
Hai Garam Bazar-e-Fatwa Sazi Patharay Daroon Mein Hain Namazi.
Ajeeb Zair-o-Zabar Hai Dunya Jo Bik Raha Hai Woh Bak Raha Hai.
Chala Hai Makkay Se Ibn-e-Zahra, Sada Yeh Deta Hai Youm-e-Arfa.
Mujhe Yeh Lagta Hai Aaj Kaba Jagah Se Apni Sarak Raha Hai.
Bola Ke Toor e Najaf Pe Maula Zara :TAKALLUM: Se Baat Kar Lo.
Tumhari Janib Misal-e-Mosa Yeh Tifal-e-Maktab Humak Raha Hai.
Poet: :Mir Takallum Mir:
#TeraTakallum
#ManqabatLyrics
#tajpoint
New Tera Takallum Chehak Raha Hai Misal e Gulshan Mehak Raha Hai
Tera Takallum Chehak Raha Hai Misal e Gulshan Mehak Raha Hai Lyrics Urdu 2025 Write Up Poster Image
