Akhri Sajda Nadeem Sarwar Lyrics Urdu 2025
Akhri Sajda Nadeem Sarwar Lyrics Urdu
Hilney Laga Arsh-e-Barin Roney Lagi Karbala.
Lakhon Qatilon Mein Tha Magar Yeh Sach Hai Ba Khuda.
Koi Na Hussain Our Khuda Ke Darmiyan Tha.
Sajday Mein Hussain They Labon Pe Thi Yehi Sada.
Le Aye Mere ALLAH Ab Tere Hawalay.
Malik Tera Banda Ab Tere Hawalay.
Aray Zindagi Se Sair Ho Chuka.
Kar Raha Hoon Aakhri Sajdah.
Subhana Rabi Al Aala.
Asar Ki Sunta Hoon Sada-e-Azaan.
Aakhri Dena Hai Mujhe Imtehaan.
Charon Taraf Teer-o-Sina Barchiyaan.
Hain Yeh Mere Qatal Ki Teyariyaan.
Jantay Hain Kis Ka Nawasa Hoon Main.
Jantay Hain Kis Liye Aaya Hoon Main.
Tera Hi Paigham Sunata Hoon.
Phir Bhi Sitam Ka Hi Nishana Hoon Main.
Na Mera Ghar Bar Na Lashkar Raha.
Aray Akbar-o-Abbas Ka Gham Kha Gaya.
Itnay Sitam Dil Pe Main Sehta Raha.
Shukar Hai Wadah Tu Wafa Ho Gaya.
Yaad Rakhay Ga Yeh Zamana Sada.
Kaisay Humein Dasht Mein Loota Gaya.
Kaisay Humein Nehar Pe Pyasa Rakha.
Kaisay Mera Aakhri Sajdah Howa.
Khaimon Mein Kuhram Hai Mere Khuda.
Betiyon Behno Mein Hai Matam Bapa.
Gash Mein Hai Sajjad Akela Mera.
Baad Mere Inn Ka Hai Tu Aasra.
Lo Dam-e-Aakhir Chali Aayi Hain Maa.
Sath Mein Aaye Hain Mere Baba Jaan.
Bhai Hasan Khak Pe Giriya Kuna.
Dekhtey Hain Nana Mera Imtehaan.
Jaisay Hi Sar Khak Pe Shah Ne Rakha.
Shimar e Laeen Shah Ki Janib Barha.
Larzi Zameen Khon Barasney Laga.
Aakhri Shabbir Ki Gonji Sada.
Poet: :Jawad Jafri, Nadeem Sarwar:
Special Thanks :Dr Hilal Naqvi:
Noha Khuwan: :Nadeem Sarwar:
Noha Volume: :Nadeem Sarwar 2025-26:
Composition: :Nadeem Sarwar, Ali Shanawar, Ali Ji:
#AkhriSajda
#NohayLyrics
#tajpoint
Akhri Sajda Nadeem Sarwar Lyrics Urdu 2025 Write Up Poster Image
