Baba Bechain Sakina Hai Haider Rizvi Lyrics Urdu 2025
Baba Bechain Sakina Hai Haider Rizvi.
Baba Teri Furqat Ne Youn Be Chain Kiya Hai.
Kano Ka Mujhe Dard Kahan Yaad Raha Hai.
Paon Mere Zakhmi Hain Bohat Tashna Dahan Hoon.
Hai Sans Bhi Dushwar Keh Paband-e-Rasan Hoon.
Baba Teri Beti Ne Bohat Zulm Saha Hai.
Sar Aal-e-Muhammad Ke Sar-e-Nook-e-Sina Hain.
Rukhsar Pe Bachoon Ke Tamachon Ke Nishaan Hain.
Kya Khoob Humein Ajar Risalat Ka Mila Hai.
Mushkil Yeh Aseeri Ka Safar Lagta Hai Baba.
Zindan Ki Tanhai Se Dar Lagta Hai Baba.
Iss Qaid Mein Baba Na Ujala Na Hawa Hai.
Kano Se Hai Khoon Jari Hain Neelay Mere Bazu.
Ruktay Hi Nahi Baba Meri Aankhon Se Aanso.
Rasi Mein Bandha Teri Sakina Ka Gala Hai.
Soti Hoon Tu Durron Se Jagata Hai Sitamgar.
Chehray Pe Tamachay Bhi Lagata Hai Sitamgar.
Zalim Ko Hai Maloom Na Baba Na Chacha Hai.
Yeh Jeena Hai Kya Jeena Keh Sab Mar Gaye Pyaray.
Kab Tak Main Jiyon Gi Teri Yadoon Ke Saharey.
Mar Jaon Main Ab Jald Sakina Ki Dua Hai.
Sar Baba Ka Aagosh Mein Le Kar Woh Hazeena.
Ro Ro Ke Yeh Kehti Rahi Masoom Sakina.
Baba Tere Bin Main Ne Bohat Sabar Kiya Hai.
Dil Khon Howa Jata Hai Masooma Ke Gham Se.
Aanso Hain Rawaan Dekh :HASAN: Chashm-e-Qalam Se.
:HAIDER: Ne Jo Shehzadi Ka Yeh Noha Parha Hai.
Poet: :Mirza Hasan Mujtaba:
Noha Khuwan: :Haider Rizvi:
Noha Volume: :Haider Rizvi 2025-26:
Composition: :Zawwar Zaheer Abbas:
#BechainSakinaHai
#NohayLyrics
#tajpoint
Baba Bechain Sakina Hai Haider Rizvi Lyrics Urdu 2025 Write Up Poster Image
