Betiyon Se Ye Mera Zakhm Chupana Ay Hasan Syed Ali Naqvi Lyrics Urdu 2025
Betiyon Se Ye Mera Zakhm Chupana Ay Hasan Syed Ali Naqvi.
Zakhm Jo Sar Pe Laga Doba Hai Khoon Mein Chehra.
Aakhri Waqt Mein Bolay Yeh Hasan Se Maula.
Hai Wasiyat Meri Har Wadah Nibhana Aye Hasan.
Betiyon Se Yeh Mera Zakhm Chupana Aye Hasan.
Zakhmi Sar Par Yeh Abba Apni Urhana Aye Hasan.
Tum Mujhe Ghar Ki Taraf Le Ke Jo Jana Beta.
Fikar Tab Behno Ke Parday Ki Bhi Rakhna Beta.
Ghar Mein Ja Kar Hi Mera Dard Sunana Aye Hasan.
Zakhmi Sar Dekh Ke Mera Bhi Dar Jaein Gi.
Gham Abhi Maa Ka Nahi Bholi Hain Mar Jaein Gi.
Haye Iss Sadmay Se Behno Ko Bachana Aye Hasan.
Zakhm Jab Dekh Ke Roein Gi Dilasa Dena.
Bhaiyon Ko Bhi Hai Iss Gham Mein Sahara Dena.
Apni Behno Ko Kalejay Se Lagana Aye Hasan.
Mera Abbas Bohat Roye Ga Samjha Dena.
Oss Se Dharas Hai Sabhi Ko Ossay Batla Dena.
Apne Bhai Ko Yeh Ahsas Dilana Aye Hasan.
Jab Meri Lash Ko Dekhein Gi Tu Tarpein Gi Bohat.
Lash Se Meri Lipat Jaein Gi Roein Gi Bohat.
Unn Ko Lashay Se Meri Jald Chorana Aye Hasan.
Karbala Baqi Hai Zainab Ke Musayab Baqi.
Hai Abhi Sham Ke Yasrab Ke Musayab Baqi.
Gham Abhi Our Bhi Hain Iss Ko Uthana Aye Hasan.
Rab Ki Wahdat Thi Bachana Tu Jhukaya Hai Yeh Sar.
Deen-e-Ahmad Ke Liye Mein Ne Kataya Hai Yeh Sar.
Dard Mera Na Zamane Se Chupana Aye Hasan.
Sar Pe Jo Zakhm Hai Woh Sab Ko Dikhai De Ga.
Dil Mein Jo Dard Hai Woh Kis Ko Sunai De Ga.
Zakhm Ummat Ne Diye Sab Ko Batana Aye Hasan.
Noha Suntay Hi :SHAKEEL: Aap Ka Manzar Roye.
Jab :ALI: Se Hai Suna Sare Payamber Roye.
Ab Baqiya Mein Bhi Yeh Noha Sunana Aye Hasan.
Poet: :Shakeel Kazmi:
Noha Khowan: :Syed Ali Naqvi:
Noha Volume: :Syed Ali Naqvi 2024-25:
Composition: :Tahir Hasan Baltistani:
#BetiyonSeYe
#NohayLyrics
#tajpoint
21 Ramzan Noha Betiyon Se Ye Mera Zakhm Chupana Ay Hasan
Betiyon Se Ye Mera Zakhm Chupana Ay Hasan Syed Ali Naqvi Lyrics Urdu 2025 Write Up Poster Image
