Haider Ki Zulfiqar SM Taqi Rizvi Lyrics Urdu 2026
Haider Ki Zulfiqar SM Taqi Rizvi Lyrics
Arsh-e-Barin Se Aayi Hai Haider Ki Zulfiqar.
Ijaz-e-Kibriyai Hai Haider Ki Zulfiqar.
Do Tukray Ho Ke Gir Paray Bas Aik Waar Mein.
Jis Ne Bhi Aazmai Hai Haider Ki Zulfiqar.
Karb-o-Bala Ke Ban Mein Bohat Se Fana Kiye.
Shabbir Ne Chalai Hai Haider Ki Zulfiqar.
Aahan Se Sakht Tar Hai Yeh, Khanjar Se Taiz Dhaar.
Qudrat Ne Khud Banai Hai Haider Ki Zulfiqar.
Bas Dekh Ke Hi Razm Mein Do Chaar Mar Gaye.
Maidaan Mein Jab Bhi Aayi Hai Haider Ki Zulfiqar.
Naslon Ki Janch Kar Ke Urati Hai Gardanein.
Zerak Bhi Intehai Hai Haider Ki Zulfiqar.
Rakhti Hain Apne Hath Se Iss Ko Sanwar Kar.
Zahra Ke Dil Ko Bhai Hai Haider Ki Zulfiqar.
Hathoon Mein Le Ke Aaein Gay Ab Barhwein Imam.
Unn Ke Liye Bachai Hai Haider Ki Zulfiqar.
Har Dushman-e-Ali Ko Jahanum Dikhaney Ka.
Paigham Sath Layi Hai Haider Ki Zulfiqar.
Dast e Khuda Se Dast e Khuda Ko Atta Hoi.
Sarwar Ne Hi Mangayi Hai Haider Ki Zulfiqar.
Dast-e-Khuda Hi Ho Ga Jo Iss Ko Uthaye Ga.
Abbas Ne Uthai Hai Haider Ki Zulfiqar.
Do Pal Mein Kaat Sakti Hoon Nu Lakh Hi Tu Hain.
Keh Kar Yeh Muskurai Hai Haider Ki Zulfiqar.
Haider Ki Aankh Ke Yeh Isharay Pe Chalti Hai.
Karti Younhi Safai Hai Haider Ki Zulfiqar.
:RIZWAN: Keh Raha Hai Khuda Be Misal Hai.
Khaliq Se Dad Payi Hai Haider Ki Zulfiqar.
Poet: :Syed Rizwan Rizvi:
Manqabat Khuwan: :Syed Mohammad Taqi Rizvi:
Manqabat Volum: :Syed Mohammad Taqi Rizvi 2025-26:
Composition: :Azhar Ali:
#HaiderKiZulfiqar
#ManqabatLyrics
#tajpoint
Haider Ki Zulfiqar SM Taqi Rizvi Lyrics Urdu 2026 Write Up Poster Image
