Akbar Humein Mar Janay Do Mir Hasan Mir Lyrics Urdu 2026
Ghurbat Ki Ghari Yeh Aayi Aankhon Se Chali Binayi.
Tum Ghar Se Chaley Ho Aisay Jata Hai Janaza Jaisay.
Akbar Humein Mar Jane Do Phir Marne Ko Jana.
Mushkil Hai Zaeefi Mein Jawaan Lash Uthana.
Phir Laut Ke Aaye Gi Na Maqtal Se Sawari.
Maa Ko Bara Arman Tha Shadi Ka Tumhari.
Taboot Pe Mumkin Tu Nahi Sehra Sajana.
Khaimay Se Zara Door Chalo Aye Mere Dilbar.
Yeh Baat Na Sun Lein Kahin Zainab Meri Aa Kar.
Aye Lal Tera Seena Hai Nezon Ka Nishana.
Mango Na Qaza Mujh Se Tarapta Hai Mera Dil.
Qismat Ke Lakeeron Ka Badalna Nahi Mushkil.
Hum Umar Barha Dein Gay Zara Hath Dikhana.
Abbas Ka Marna Hai Meri Maut Ka Ayelan.
Kuch Reham Karo Meri Zaeefi Pe Meri Jan.
Aasan Nahi Seene Se Barchi Ka Chorana.
Mazloom Ki Tooti Hai Kamar Aas Na Toro.
Aye Lal Mere Samne Youn Hath Na Joro.
Acha Nahi Lagta Humein Har Bar Batana.
Neza Dil-e-Nazuk Mein Utarta Howa Dekhon.
Main Zindah Rahon Our Tumhein Marta Howa Dekhon.
Tum Mein Nazar Aate Hain Hamesha Mujhe Nana.
Utho Mere Qadmo Se Ijazat Tumhein Dein Gay.
Acha Chalo Hum Baat Agar Maan Bhi Lein Gay.
Mushkil Hai Bohat Sani-e-Zahra Ko Manana.
Akbar Gaye Maqtal Mein Girey Zeen Se Zameen Par.
Lashay Se :TAKALLUM: Yeh Kaha Sheh Ne Tarap Kar.
Thehro Abhi Kuch Dair Na Ho Khuld Rawana.
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2026-27:
Composition: :Raza Shah:
#AkbarHumeinMar
#NohayLyrics
#tajpoint
Akbar Humein Mar Janay Do Mir Hasan Mir Lyrics Urdu 2026 Write Up Poster Image
