La Daingy Tumhein Pani Mir Jawad Mir Lyrics Urdu 2026
Mere Ammo Abbas, Mere Ammo Abbas.
Jab Pyas Barhi Pani Na Mila Tu Ro Ke Sakina Ne Di Sada.
Aye Mere Chacha Main Tum Pe Fida Asghar Hai Mera Kab Se Pyasa.
Tum Pyason Ki Saqayi Karo Darya Se Humein Pani La Do.
Sar Chom Ke Phir Shehzadi Ka Abbas-e-Jari Ne Farmaya.
La Dein Gay Tumhein Pani Yeh Bachoon Ko Bata Do.
Hum Nehar Pe Jate Hain Aye Shehzadi Dua Do.
Hum Baithay Hain Do Zanu Tum Aagay Barho Bibi.
Khud Hathoon Se Mashkeza Kandhey Pe Rakho Bibi.
Aye Pyasi Sakina Humein Saqqa Tu Bana Do.
Main Jaon Jo Maidaan Mein Telay Pe Chali Aana.
Khud Dekhna Aankhon Se Sahil Pe Mera Jana.
Tum Roz Yehi Kehti Thin Siffeen Suna Do.
ALLAH Karey Jaldi Yeh Khatam Udasi Ho.
Abbas Ke Hotey Bhi Seh Roz Se Pyasi Ho.
Mere Bandhay Hathoon Ko Aazad Kara Do.
Izhar Na Ho Paya Iss Qowat-e-Bazu Ka.
Majboor e Itaat Hai Dil Phatta Hai Ammo Ka.
Lillah Na Ab Kehna Meri Pyas Bhuja Do.
Khidmat Mein Bhateeji Ki Kam Aaein Mere Bazu.
Bilfarz Jo Darya Par Kat Jaein Mere Bazu.
Tarpo Gi Nahi Bibi Yaqeen Mujh Ko Dila Do.
Yeh Rukhsat-e-Aakhir Hai Baba Ko Tujhe Sonpa.
Ab Teeron Ki Barish Mein Jata Hai Tera Saqqa.
Ik Shoor Hai Fojon Mein Kamar Sheh Ki Jhuka Do.
Pur Khon :TAKALLUM: Jab Woh Mashk-o-Alam Dekhey.
Abbas Ke Betay Ne Ro Kar Kaha Bibi Se.
Baba Ki Tarha Se Humein Mashkeza Tu La Do.
Poet: :Mir Takallum Mir:
Noha Khuwan: :Mir Jawad Mir:
Noha Volume: :Mir Jawad Mir 2026-27:
Composition: :Raza Shah:
#LaDaingyTumheinPani
#NohayLyrics
#tajpoint
La Daingy Tumhein Pani Mir Jawad Mir Lyrics Urdu 2026 Write Up Poster Image
