Khon Barsa Magar Afsos Na Barsa Pani Lyrics Urdu 2024
Khon Barsa Magar Afsos Na Barsa Pani.
Mangta Reh Gaya Ahmad Ka Nawasa Pani.
Sabar Ki Had Ko Dikhana Tha Sar-e-Karb-o-Bala.
Warna Shabir Ki Thokar Se Hai Nikla Pani.
Furat Ho Ke Pasheman Iss Tarha Se Gaya.
Keh Sadiyaan Beet Gayin Our Na Palta Pani.
Ran Mein Jo Asghar e Be Sheer Ko Pyasa Dekha.
Sharam Se Ho Gaya Pani Ka Kaleja Pani.
Padar Ke Hathoon Pe Asghar Ne Muskura Ke Kaha.
Gar Ijazat Ho Tu Ho Jaye Yeh Sehra Pani.
Maula Abbas Jo Darya Ko Ishara Kartay.
Badlay Lashkar Ke Siyah Karoon Se Larta Pani.
Khod Kar Nanhi Lehad Bolay Yeh Betay Se Hussain.
Ab Pilaein Gay Meri Jaan Tumhein Nana Pani.
Waqt-e-Aakhir Mere Maula Ne Yeh Paigham Diya.
Yaad Kar Lena Mujhe Jab Piyo Thanda Pani.
Barsar e Lasha-e-Shabir Yeh Zainab Ne Kaha.
Waqt-e-Zibha Bhi Mere Bhai Na Paya Pani.
Hasrat-o-Yaas Se Taktay Rahe Pyasay Bachay.
Jab Sitamgaron Ke Mashkezay Se Chalka Pani.
Ashk Sajjad Ki Aankhon Se Rawaan Hotey Rahe.
Samne Jab Kabhi Nazron Ke Hai Guzra Pani.
Sar Ko Takra Ta Hai Ab Bhi Woh Lehad Se Unn Ki.
Aaj Bhi Dekhein Tu Ghazi Ka Hai Sheda Pani.
Karbala Ka Hai Yeh Paigham Jahan Walon Ko.
Jeet Pyason Ki Hoi Our Hai Hara Pani.
Sab Tarastey Rahe Pani Ko Sar-e-Karb-o-Bala.
Our Pyason Ke Labon Ke Liye Tarsa Pani.
Karbala Walon Se Iss Tarha Jori Tashna Labi.
Har Azadar Ke Nohay Ka Hai Unwaan Pani.
Tashna Lab Kat Gaya Shabbir Ka Lashkar Aye :NAJAM:.
Haye :QAISER: Raha Kis Tarha Se Zindah Pani.
Poet: :Arsalan Rizvi Najam:
Noha Khuan: :Qaiser Raza:
#KhonBarsa
#NohayLyrics
#tajpoint
Khon Barsa Magar Afsos Na Barsa Pani Lyrics Urdu 2024 Write Up Poster Image
