Ujar Gaya Hai Karwaan Nahi Hai Koi Pasbaan Lyrics Urdu 2024
Ujar Gaya Hai Karwaan Nahi Hai Koi Pasbaan.
Musibaton Ke Dasht Mein Hain Be Aman Bibiyaan.
Paray Hain Lashay Rait Pe Koi Yahan Koi Wahan.
Kissi Ke Bazu Hain Juda Kissi Ke Seene Mein Sina.
Hain Sar Bureda Be Kafan Woh Deen-e-Haq Ke Tarjumaan.
Nabi Ke Noor-e-Ain Par Thi Sari Khalq Noha Khuwaan.
Andherey Ban Mein Khof Se Larz Rahi Hain Bibiyaan.
Sadaein Deti Phirti Hain Woh Alaman-o-Alamaan.
Kalejay Sab Ke Ho Gaye Hain Soz-e-Ranj Se Tapaan.
Zameen Muztarib Hoi Tu Khon Roya Aasmaan.
Sada Hai Shoor-o-Shain Ki Fogaan Hai Ya Hussain Ki.
Wa Hasrata, Wa Gurbata Ke Dard Nak Bain Ki.
Hain Khak Urati Betiyaan Imam-e-Mashreqain Ki.
Saron Ko Apne Peetti Hain Noha Khuwan-e-Kushta Gaan.
Koi Pisar Ko Roti Hai Tu Gham Se Koi Neem Jaan.
Kissi Ka Wali Mar Gaya Koi Padar Ki Noha Khuwaan.
Koi Liye Hai Gaud Mein Jali Hoi Si Lakriyaan.
Thapkati Khali Gaud Hai, Hai Yaad Aata Be Zabaan.
Jo Lootney Ko Maal-o-Zar Haram Mein Aaye Ahl-e-Shar.
Kissi Ki Loot Li Rida Kissi Ke Chin Gaye Gohar.
Yateem Bachay Seham Ke Bikhar Gaye Idhar Udhar.
Jalay Hoye Khiyam Se Fiza Hoi Dhuwaan Dhuwaan.
Woh Holnak Karbala Ki Shab Kati Sahar Hoi.
Aseer Ho Ke Nainawa Se Aal-e-Mustafa Chali.
Hai Ik Mareez Na Tawaan Pari Hai Jis Ke Hathkari.
Bandha Hai Pusht-e-Naqa Se Haram Ka Ban Ke Sarbaan.
Yeh Kaisay Koi Likhe Ga, Karey Ga Koi Kya Biyaan.
Yeh Gham :NAJAM: Ajeeb Hai, Ajeeb Hai Yeh Dastaan.
:REHAN: Jis Pe Rota Hai Wohi Hai Sham-e-Bekasan.
Yeh Matam-e-Hussain Hai Rahe Ga Hashar Tak Rawaan.
Poet: :Arsalan Rizvi Najam:
Noha Khuan: :Rehan Rizvi:
#UjarGayaHai
#NohayLyrics
#tajpoint
Ujar Gaya Hai Karwaan Nahi Hai Koi Pasbaan Lyrics Urdu 2024 Write Up Poster Image
