Mola Ali Ka Sehra Mudassir Karbalai Lyrics Urdu 2025
Mola Ali Ka Sehra Mudassir Karbalai
Quraan Zaban-e-Haq Se Pukara Basad Adab.
Emaan Ka Silsila Hai, Yeh Rishta Ba Hukam-e-Rab.
Dolha Dulhan Khuda-o-Nabi Ke Hain Muntahib.
Rakhtay Hain Dono Ashraf-o-Aala Hasab Nasab.
Inn Ke Yeh Kafu Hain Tu Woh Inn Ki Nazeer Hain.
Woh Syeda Hain Our Yeh Janab-e-Ameer Hain.
Dil Se Duaein Deney Lagay Sahib-e-Wila.
Pholein Phalein Jahan Mein Zahra-o-Murtaza.
Ashar-e-Tehniyat Ka Howa Shoor Ja Baja.
Ki Muqtazaye Haal Ne Hazrat Se Iltija.
Hai Lutf e Bostan e Jinna Ki Shamim Ka.
Sun Lijiye Hazoor Yeh Sehra :NASIM: Ka.
Islam Ke Waqar Ka Sehra Ali Ke Sar.
Ahmad Ke Iftikhar Ka Sehra Ali Ke Sar.
Qudrat Ke Ikhteyar Ka Sehra Ali Ke Sar.
Toheed-e-Kirdgar Ka Sehra Ali Ke Sar.
Sehra Hai Farq-e-Pak Pe Asma-e-Zaat Ka.
Sehra Ali Ke Sar Hai Khuda Ki Sifaat Ka.
Ahkam e Karsaaz Ka Sehra Ali Ke Sar.
Qudrat Ke Imtiyaz Ka Sehra Ali Ke Sar.
Asrar-e-Be Niyaz Ka Sehra Ali Ke Sar.
Rozay Ka Our Namaz Ka Sehra Ali Ke Sar.
Sehra Hai Farq-e-Pak Pe Ayehad-e-Alasat Ka.
Sehra Ali Ke Sar Hai Buttoon Ki Shikast Ka.
Islam Ki Kamai Ka Sehra Ali Ke Sar.
Aalam Ki Peshwayi Ka Sehra Ali Ke Sar.
Qudrat Ki Ronomai Ka Sehra Ali Ke Sar.
Zahra Ki Katkhudai Ka Sehra Ali Ke Sar.
Sehra Hai Farq-e-Pak Pe Khaliq Ki Chah Ka.
Sehra Hai Sar Pe Ashhado Unn Lailaha Ka.
Tanveer e Zuljalal Ka Sehra Ali Ke Sar.
Mabood Ke Jamal Ka Sehra Ali Ke Sar.
Kuffar Ke Zawwal Ka Sehra Ali Ke Sar.
Islam Ke Kamal Ka Sehra Ali Ke Sar.
Paya Howa Nabi Se Khuda Se Chuna Howa.
Naimat Ke Khatmay Ka Hai Sehra Bandha Howa.
Tanzeel e Qul Kufa Ka Hai Sehra Ali Ke Sar.
Mairaj-e-Hal Atta Ka Hai Sehra Ali Ke Sar.
La Saif-o-La Fata Ka Hai Sehra Ali Ke Sar.
Tatheer-o-Innama Ka Hai Sehra Ali Ke Sar.
Mil Kar Khuda, Rasool Ne Dolha Banaya Hai.
Quraan Ka Sehra Aal Ki Kashti Mein Aaya Hai.
Sehra Ali Ke Sar Hai Khuda Ke Kalam Ka.
Sehra Ali Ke Sar Hai Qaood-o-Qiyam Ka.
Sehra Ali Ke Sar Hai Muhammad Ke Naam Ka.
Sehra Ali Ke Sar Hai Darood-o-Salam Ka.
Sab Ki Girah Kushai Ka Sehra Ali Ke Sar.
Al Mukhtasir Khuda Ka Hai Sehra Ali Ke Sar.
Lo Aqad-e-Ke Tamam Marahil Hoye Tamam.
Auraat Mein Hai Aarsi Mushaf Ka Ahtamam.
Laya Hai Arsh, Loh Ka Aaina La Kalam.
Ismat Idhar Hai Bain Mein Quraan Udhar Imam.
Aankhein Rasool Ki Hain Ali Ki Nigah Mein.
Ain-e-Khuda Hai Bint-e-Nabi Ki Nigah Mein.
Poet: :Nasim Amrohvi:
Manqabat Khuwan: :Mudassir Karbalai:
Noha Volum: :Mudassir Karbalai 2024-25:
𝗖𝗼𝗺𝗽𝗼𝘀𝗶𝘁𝗶𝗼𝗻: :Mirza Hasan Mujtaba:
𝗧𝗲𝗵𝘁 𝘂𝗹 L𝗮𝗳𝘇: :Syed Arib Hadi:
#MolaAliKaSehra
#ManqabatLyrics
#tajpoint
New Manqabat Mola Ali Ka Sehra Mudassir Karbalai Lyrics Urdu
Musaddaq Mola Ali Ka Sehra Mudassir Karbalai Lyrics
Mola Ali Ka Sehra Mudassir Karbalai Lyrics Urdu 2025 Write Up Poster Image
