Aaja Meri Jaan Sakina Syed Raza Abbas Zaidi Lyrics Urdu 2025

Aaja Meri Jaan Sakina Syed Raza Abbas Zaidi.

Zakhmi Kano Pe Hathoon Ko Rakhay Hoye.
Nikli Khaimon Se Ik Bachi Roti Hoi.
Oss Ka Kurta Jala Surkh Rukhsar Tha.
Baba Baba Ki Woh De Rahi Thi Sada.

Haye Baba Haye Baba.

Haye Larzah Tha Oss Ke Hathoon Mein.
Baap Ko Dhondti Thi Lashon Mein.
Jab Woh Baba Ko Dhond Na Payi.
Aik Lashay Se Yeh Sada Aayi.

Aa Ja Meri Jan Sakina Tu Kahan Hai, Tera Baba Yahan Hai.

Aisay Ghabra Nahi Meri Bachi.
Hai Tera Baba Tere Sath Abhi.
Dhond Lashon Mein Aik Lash Aisi.
Jis Ki Ik Ungli Kati Hai Beti.
Sun Ke Sakina Ne Kaha Baba Unn Hathoon Se.
Tum Ne Jo Tohfay Mein Mujhe La Kar Diye They.
Shimar Woh Gohar Le Gaya Baba Kahan Ho.
Khoon Mere Kano Se Baha Baba Kahan Ho.

Meri Aawaz Sun Ke Aa Ja Idhar.
Ho Chuka Hai Mera Badan Be Sar.
Waar Itnay Kiye Gaye Mujh Par.
Aa Chuki Hain Meri Ragein Bahir.
Aate Hoye Main Ne Suna Keh Raha Tha Koi.
Phophiyon Ke Shano Se Meri Gardan Bandhay Gi.
Chota Hai Qad Sab Se Mera Baba Kahan Ho.
Hoga Mera Zakhmi Gala Baba Kahan Ho.

Kaisay Pehchano Gi Mujhe Bolo.
Mil Ke Mara Hai Tere Baba Ko.
Aye Meri Jan Meri Baat Suno.
Sab Se Zakhmi Badan Talash Karo.
Mar Ke Jab Tum Ko Laeen Khaimon Mein Aaya.
Baal Mere Khainchey Mujhe Mara Tamacha.
Zakhmi Howa Chehra Mera Baba Kahan Ho.
Itna Mujhe Mara Gaya Baba Kahan Ho.

Kab Se Jagi Hai Pas Aa Mere.
Aa Rahi Hogi Beta Neend Tujhe.
Tu Magar Soye Gi Yahan Kaisay.
Mera Seena Bhara Hai Teeron Se.
Teer Nikalon Gi Main Khud Nanhay Hathoon Se.
Baba Magar Soyon Gi Main Seene Pe Tere.
Ran Mein Andhera Ho Gaya Baba Kahan Ho.
Seena Kahan Dhondon Tera Baba Kahan Ho.

Pehli Manzil Hai Yeh Musibat Ki.
Zulm Sehney Hain Tujh Ko Our Abhi.
Jo Sunay Ga Tu Hai Meri Beti.
Our Marey Ga Tujh Ko Aye Bibi.
Aap Ki Beti Hoon Ossay Jab Yeh Bataya.
Jan Ke Zalim Ne Mera Daman Jalaya.
Cheen Ke Le Gaya Rida Baba Kahan Ho.
Deti Rahi Main Yeh Sada Baba Kahan Ho.

Yeh Bhi Pehchan Hai Meri Sun Le.
Jab Giraya Gaya Mujhe Zeen Se.
Youn Tu Talwarein Bhi Chalein Mujh Pe.
Sab Se Gehray Hain Zakhm Nezon Ke.
Nezay Ka Jab Naam Suna Bolein Sakina.
Iss Tarha Kholi Ne Mujhe Nezay Se Mara.
Chehray Ke Bal Gira Diya Baba Kahan Ho.
Yaad Bohat Aaye Chacha Baba Kahan Ho.

Dhonda :ZEESHAN: Our :RAZA: Har So.
Aayi Jis Waqt Baap Ki Khushbo.
Ponch Kar Nanhay Hath Se Aanso.
Pohanchi Lashay Pe Ho Ke Be Qabo.
Gham Jo Sahey Bhool Gayi Jab Dekha Manzar.
Ghoron Se Pamal Badan Our Tha Kata Sar.
Phir Na Sakina Ne Kaha Baba Kahan Ho.
Uth Ke Suno Haal Mera Baba Kahan Ho.

Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2025-26:
Composition: :Zeeshan Abidi & Syed Raza Abbas Zaidi:

#AajaMeriJaanSakina
#NohayLyrics
#tajpoint

New Noha Aaja Meri Jaan Sakina Syed Raza Abbas Zaidi Lyrics Urdu

2025 Noha Aaja Meri Jaan Sakina Syed Raza Abbas Zaidi Lyrics

Lyrics Bibi Sakina Noha Aaja Meri Jaan Sakina Syed Raza Abbas Zaidi

Aaja Meri Jaan Sakina Syed Raza Abbas Zaidi Lyrics Urdu 2025