Aa Jaiye Mola Syed Askari Hasan Lyrics In Urdu and Roman Urdu
آ جایئے مولاؑ
Hai Be Kasoon Ki Sada Aa Bhi Jaiye Maula.
Bara Andhera Hai Jalwa Dikhayiye Maula.
Zamana Qatil-o-Khonkhuwar Hai Sitamgar Hai.
Akelay Hum Hain Yahan Zalimo Ka Lashkar Hai.
Jo Zulfiqar-e-Ali Hai Chalaiye Maula.
Abhi Tu Dard Ke Darya Mein Dil Dabona Hai.
Abhi Tu Pyasay Musafir Pe Khul Ke Rona Hai.
Humein Hussain Ke Gham Mein Rolaiye Maula.
Sitam Shaar Ke Harbay Naye Jafa Hai Nayi.
Yazid-o-Shimar Naye Jang-e-Karbala Hai Nayi.
Tu Aap Aa Ke Naye Hur Banaiye Maula.
Abhi Tu Kaba Mein Farsh-e-Azza Bichana Hai.
Wahin Pe Parcham-e-Abbas Bhi Sajana Hai.
Sabeel Kaba Pe Zam Zam Pilaiye Maula.
Haram Ke Sehan Mein Jab Zikar-e-Karbala Hoga.
Hum Ahl-e-Dard Ka Oss Roz Hajj Ada Hoga.
Bas Aap Jald Yeh Manzar Dikhayiye Maula.
Hamari Subha Ko Be Chargi Ne Ghaira Hai.
Beghair Aap Ke Dunya Mein Ghup Andhera Hai.
Ab Aa Ke Shama Imamat Jalaiye Maula.
Yeh Pur Bahar Fizaon Ka Kya Karon Aaqa.
Beghair Aap Ke Dunya Mein Dil Nahi Lagta.
Bas Ab Zahoor Ka Gulshan Sajaiye Maula.
Tamam Dagh Jigar Ke Dikha Diye Hum Ne.
Hazaron Lakhon Arezay Baha Diye Hum Ne.
Ab Apne Faiz Ke Darya Bahaiye Maula.
Hamarey Paon Mein Chalay Hain Thak Gaye Hain Hum.
Jo Seedhi Rah Hai Oss Se Bhatak Gaye Hain Hum.
Hain Gumshuda Humein Rasta Dikhayiye Maula.
Woh Shair-e-Nar Keh Wafadar Hai Laqab Jis Ka.
Kiya Furat Ki Har Mauj Ne Adab Jis Ka.
Ossi Jarri Ka Alam Le Ke Aaiye Maula.
Suna Hai Aap Ka Pora Badan Sisakta Hai.
Gham Hussain Mein Aankhon Se Khoon Tapakta Hai.
Humein Bhi Khon Ke Aanso Rolaiye Maula.
Ghulam Aap Ke Hain Be Khudi Ki Halat Mein.
Para Howa Hai :MUSSADIQ: Bhi Khuwab-e-Ghaflat Mein.
Ossay Jhanjhoriye Oss Ko Jagaiye Maula.
Poet: :Mussadiq Lakhani:
Manqabat Khuwan: :Syed Askari Hasan:
Manqabat Volume: :Syed Askari Hasan 2021-22:
Composition: :Syed Askari Hasan:
#AaJaiyeMola
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
