So Jaye Thori Dair Sakina To Jaiye Mir Hasan Lyrics 2018
So Jaye Thori Dair Sakina To Jaiye Mir Hasan Mir.
Zainab Galay Ko Choom Le Bhaiya Tu Jaiye.
So Jaye Thori Dair Sakina To Jaiye.
Amma Kahin Gi Dekh Ke Chehra Laho Bhara.
Zainab Ne Kya Khiyal Nahi Rakha Bhai Ka.
Chadar Se Saaf Kar Loon Jo Chehra To Jaiye.
Zainab Ghareb Ho Gayi Kuch Bhi Nahi Bacha.
Lashay Utha Ke Aoun-o-Muhammad Ke Main Zara.
Ik Baar Phir Utar Loon Sadqa To Jaiye.
Jane Na Deti Barchiyon Walon Mein Main Kabhi.
Woh Maa Hain Our Kaneez Hoon Bhaiya Main Aap Ki.
Ran Mein Bula Rahi Hain Jo Zahra To Jaiye.
Rokon Gi Phir Na Aap Ko Wada Raha Mera.
Nazdeek Hai Yahan Se Najaf Shah-e-Karbala.
Aa Jaein Mere Paas Jo Baba To Jaiye.
Lagta Hai Ran Mein Aap Ka Karta Hai Intezar.
Lehra Raha Hai Hath Mein Khanjar Woh Bar Bar.
Bhaiya Badal Le Shimar Iradah To Jaiye.
Karni Hai Jang Aakhri Bhaiya Behan Nisar.
Khoon Beh Raha Hai Kaise Chalaein Gaye Zulfiqar.
Bazu Ka Zakhm Bandh De Behna To Jaiye.
Zindaan Mein Hum Jo Qabar-e-Sakina Banaein Gaye.
Kya Aap Le Ke Ghazi Ko Oss Waqt Aaein Gaye.
Kar Lijiye Behan Se Yeh Wadah Tu Jaiye.
Kaise Biyaan Ho :MIR TAKALLUM: Woh Bekasi.
Yeh Keh Ke Bint-e-Fatima Khamosh Ho Gayi.
Waday Mein Dair Hoti Hai Acha To Jaiye.
Poet: :Mir Takallum Mir:
Noha khuwan: :Mir Hasan Mir:
Noha Volume: :Mir Hasan Mir 2018-19:
#SoJayeThoriDairSakina
#NohayLyrics
#tajpoint
So Jaye Thori Dair Sakina To Jaiye Mir Hasan Lyrics 2018 Write Up Poster Image
