Hamla Hussain Ka Meesum Kashmiri Lyrics In Urdu and Roman Urdu
حملہ حُسینؑ کا
Jab Karbala Mein Gonji Azan-e-Bin-e-Hussain.
Utha Salat Ke Liye Zahra Ke Dil Ka Chain.
Ik Aik Kar Ke Janib-e-Ran Bhaijay Noor-e-Ain.
Maqtal Saja Ke Lashon Se Bola Nabi Ka Zeen.
Aye Rab-e-Zuljalal Tera Dein Banaon Ga.
Batil Ka Sar Uraney Main Maqtal Mein Jaon Ga.
Jonhi Lab-e-Hussain Se Alfaz Yeh Sunay.
Aada Ki Jaan Nikalne Lagi Sheh Ke Khof Se.
Mojein Furat Ki Lagin Sahil Ko Chorney.
Ik Dosrey Se Arz-o-Sama Bolne Lagay.
Hoga Ghazab Se Lais Tajalla Hussain Ka.
Qehar-e-Elahi Dhaye Ga Hamla Hussain Ka.
Kaisay Biyaan Ho Chehra-e-Shabeer Ka Jalal.
Quraan Ka LaIlaha Ki Tauqeer Ka Jalal.
Islam Ke Charag Ki Tanveer Ka Jalal.
Taqdeer-e-Haq Ka Katib-e-Taqdeer Ka Jalal.
Har Shey Pe Khof Tari Hai Larzaan Hai That Baat.
Nu Lakh Ko Utarein Gay Sarwar Ajal Ki Ghaat.
Jonhi Nikali Ran Mein Sheh-e-Dein Ne Zulfiqar.
Bhagay Qaza Ke Khof Se Bad Nasal-o-Bad Shoar.
Ik Waar Mein Hoi Woh Bohat Soo Ke Aar Paar.
Rohoon Ke Sath Jism Kiye Oss Ne Taar Taar.
Khud Maut Ke Malak Ko Kahan Waqt-e-Sabar Tha.
Maidan-e-Karbala Na Tha Maidan-e-Hashar Tha.
Maqtal Mein Charon Simt Nazar Aa Rahe They Sar.
Tari Tha Khof Maut Ka Khud Farq-e-Maut Par.
Ghabra Rahe They Sare Farishtay Yeh Soch Kar.
Dunya Ulat Na De Kahin Karrar Ka Pisar.
Hargiz Amma Miley Gi Na Buzdil Ki Foaj Ko.
Dozakh Mein Dala Jaye Ga Batil Ki Foaj Ko.
Aayi Sada-e-Haider-e-Karrar Marhaba.
Paygamber-e-Khuda Ke Madadgar Marhaba.
Zahra Pukarein Aye Marey Jeedar Marhaba.
Wahdat Ke Fakhar Nazish-e-Anwar Marhaba.
Jab Aayi Irjae Ki Sada Aasman Se.
Phir Zulfiqar Aayi Na Bahir Maiyan Se.
Rakhtay Hi Taig Sheh Pe Lagay Tootney Shaqi.
Our Syeda Ke Lal Pe Be Had Jafa Hoi.
Teeron Ki Naizon Bhalon Ki Barsat Sheh Pe Ki.
:SIBT-E-Nabi Se Zeen-e-Fars Chotney Lagi.
Aayi Nida Falak Se Sheh-e-Mashreqain Ko.
Ya Fatima! Sanbhaliye Maula Hussain Ko.
Aaya Zameen Ki Simt Jo Zahra Ka Ladla.
Teeron Ne Rook Rakha Tha Jism-e-Sheh-e-Fida.
Zakhmo Pe Zakhm Sehta Raha Ibn-e-Murtaza.
Jari Raha Hussain Pe Teeron Ka Silsila.
Galtaan Tha Jism Khon Mein Mehar-e-Jaben Tak.
Pohanchay Guzar Ke Teeron Se Maula Zameen Tak.
Khanjar Liye Jo Shimar Barha Janib-e-Hussain.
Sajday Mein Tha Rasool-e-Do Alim Ka Noor-e-Ain.
Khanjar Chala Tu Sun Ke Sakina Ka Shoor-o-Shain.
Maqtal Mein Gonjay Zainab-e-Dilgeer Ke Yeh Bain.
Aye Rab-e-Zuljalal Tera Dein Bacha Liya.
Shah-e-:IRAM: Ne Tere Liye Sar Kata Diya.
Poet: :Shumaila Iram:
Noha Khowan: :Meesum Kashmiri:
Noha Volume: :Meesum Kashmiri 2021-22:
Composition: :Meesum Kashmiri:
#TeriHaqeeqatAbbas
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
