Zeenat e Shah e Najaf Meesum Kashmiri Lyrics In Urdu 2021
Zeenat e Shah e Najaf Meesum Kashmiri
Zeenat-e-Shah-e-Najaf Sani-e-Zahra Zainab.
Aayat ALLAH Fasahat Ki Maleeka Zainab.
Qurratulain Ali Sirun Abeeha Zainab.
Lailatul Qadar Si Idrak Se Bala Zainab.
Sani-e-Bint-e-Nabi Fatima Zahra Zainab.
Shah-o-Sultan-e-Shahadat Ki Shareeka Bhi Hain.
Shakal-e-Abid Mein Imamat Ki Kafeela Bhi Hain.
ALLAH ALLAH Woh Khutbat Mein Bibi Ka Jalal.
Zainabi Nutq Mein Woh Lehja-e-Haider Ka Kamal.
Waar Khutbon Ka Tha Abbas Ke Hamlay Ki Misal.
Sirf Uskut Jo Kaha Woh Howa Bazar Ka Haal.
Tham Gayin Waqt Ki Sansein Tha Zamana Khamosh.
Aisi Haibat Keh Tha Khud Maut Ka Dharka Khamosh.
Paikar-e-Nehj-e-Balaga Ne Diya Jab Khutba.
Aisa Lagta Tha Keh Ho Jaisay Rajaz Haider Ka.
Apne Ajdad Ka Zainab Ne Taruf Bhi Diya.
Our Phir Khol Diya Qatil-e-Sheh Ka Shajrah.
Rakh Ke Darbar Mein Zainab Ne Azza Ki Bunyad.
Inteqam-e-Sheh-e-Mazloom Ki Dali Bunyad.
Jis Tarha Deein Ka Mohafiz Tha Ali Ka Hamla.
Tha Wohi Rang Liye Bint-e-Ali Ka Khutba.
Hai Sar-e-Hashar Bhi Zamin Woh Hussainiyaat Ka.
Aaj Bhi Kufar Ko Lalkar Ke Deta Hai Sada.
Kufar Chahe Bhi Agar Sar Na Utha Paye Ga.
Fatah-e-Sham Ka Khutba Ossay Kha Jaye Ga.
Kabhi Haider Kabhi Sarwar Kabhi Abbas Bani.
Misal-e-Ajdad Shujat Ki Alamdar Rahi.
Unn Ke Rozay Se Bhi Zahir Hai Jalalat Aisi.
Aaj Bhi Kufar Ki Zad Par Hai Sadaqat Unn Ki.
Unn Ke Rozay Ki Hifazat Mein Jo Qurban Howa.
Oss Ko Zainab Ne Shahadat Se Sar Afraaz Kiya.
Alima Aisi Muallim Nahi Koi Jin Ka.
Abida Aisi Keh Sarwar Ne Kaha Behar-e-Dua.
Sajida Aisi Keh Sajdoon Pe Hain Sajjad Fida.
Sabira Aisi Keh Har Gham Pe Kiya Shukar-e-Khuda.
LaIlaha Ki Ali Un Wali ALLAH Ki Jeet.
Fath-e-Zainab Hai Do Aalam Ke Shehanshah Ki Jeet.
Aye Sakhi Bint-e-Sakhi Aap Se Kartay Hain Dua.
Sirf :MEESUM: Na :IRAM: Ki Yeh Hi Har Dil Ki Sada.
Izn Rozay Ki Ziyarat Ka Ho Ab Hum Ko Atta.
Hum Bhi Rozay Pe Karein Majlis-o-Matam Barpa.
Aap Ki Ahl-e-Wila Par Yeh Atta Jari Rahe.
Har Azadar Ki Naslon Mein Azza Jari Rahe.
Poet: :Shumaila Iram:
Manqabat Khowan: :Meesum Kashmiri:
Manqabat Volume: :Meesum Kashmiri 2020-21:
Composition: :Meesum Kashmiri:
#ZeenateShaheNajaf
#ManqabatLyrics
#tajpoint
New Mnaqabat Zeenat e Shah e Najaf Meesum Kashmiri
Zeenat e Shah e Najaf Meesum Kashmiri Lyrics In Urdu 2021 Write Up Poster Image
