Paigham-e-Hussain Ibn-e-Ali Zinda Rahe Ga Lyrics In Urdu and Roman Urdu
پیغامِ حُسینؑ ابنِ علیؑ زندہ رہے گا
Islam Sada Zindah-o-Painda Rahe Ga.
Mit Jaye Ga Har Naqsh Har Ik Shey Ko Fana Hai.
Lekin Shah-e-Mardaan Ki Qasam Haq Ko Baqa Hai.
Shabeer Ne Khanjar Ke Talay Wadah Liya Hai.
Islam Sada Zindah-o-Painda Rahe Ga.
Ahmad Ke Nawasay Ka Haqeeqat Mein Karam Hai.
Islam Salamat Hai Hifazat Mein Haram Hai.
Shabeer Tu Insan Ki Azmat Ka Bharam Hai.
Azmat Ka Yeh Tara Younhi Rakhshanda Rahe Ga.
Phir Soch Le Hai Waqt Abhi Khoob Samajh Le.
Shabeer Ko Azmat Ki Kasoti Pe Parkh Le.
Yeh Baat Haqeeqat Hai Issay Zehan Mein Rakh Le.
Haq Ubhrey Ga Batil Sada Sharminda Rahe Ga.
Har Saal Muharram Mein Manatay Hain Yehi Gham.
Kartay Hain Younhi Syed-e-Abrar Ka Matam.
Hum Ahl-e-Azza Toor Badaltay Nahi Har Dam.
Jo Kal Tha Wohi Aaj Hai Aainda Rahe Ga.
Shabeer Ka Matam Na Rukay Ga Na Ruka Hai.
Wallah Yeh Masooma-e-Aalam Ki Dua Hai.
Iss Gham Ke Muqabil Mein Jo Gham Laya Gaya Hai.
Batil Hai Woh Mit Jaye Ga Haq Zindah Rahe Ga.
Phir Khail Rahe Hain Woh Wohi Khail Porana.
Ablag Ki Qowat Se Haqeeqat Ka Dabana.
Yeh Sach Hai Keh Jhoton Ka Jahanum Hai Thikana.
Sharminda Sada Zulm Ka Karinda Rahe Ga.
Sach Sach Hai Zamane Mein Fasana Hai Fasana.
Aasan Nahi Haq Ki Yeh Aawaz Dabana.
Aalam Mein Hai Mumtaz Muhammad Ka Gharana.
Yeh Taba Abad Haq Ka Namainda Rahe Ga.
Aainay Ki Sorat Se Har Aik Chehra Ayyaan Hai.
Zar Kis Ka Hai Sodagar Eman Kahan Hai.
Kuch Dushman Aal Ki Had Ahl-e-Jahan Hai.
Kab Tak Yeh Dilon Mein Pisar Hinda Rahe Ga.
Shabeer Ne Wallah Bara Kam Kiya Hai.
Islam Pe Jo Teer Chala Dil Pe Liya Hai.
Khon-e-Rag-e-Gardan Se Issay Ghusal Diya Hai.
Islam Ka Chehra Younhi Tabinda Rahe Ga.
Poet: :Ali Muhammad Rizvi Sachay Bhai:
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
