Asghar Teri Kahani SM Taqi Rizvi Lyrics In Urdu 2026
Pur Dard Hai Bohat Hi Asghar Teri Kahani.
Na Raas Aayi Tum Ko Che Mah Ki Zindagani.
Jis Waqt Al-Atash Ki Detey They Tum Sadaein.
Tashna Labi Pe Teri Roti Thin Sab Jafaein.
Mojein Tarap Rahi Thin Giriya Kuna Tha Pani.
Masoom Ke Galay Se Kar Paar Teer Dala.
Hathoon Pe Baba Jaan Ke Asghar Ko Cheer Wala.
Ab Lash Be Khata Ki Nezay Pe Hai Uthani.
Asghar Ki Qabar Pe Yeh BiBi Rubab Boli.
Be Sheer Reh Gayi Hai Hasrat Meri Adhori.
Afsoos Dekh Payi Na Maa Teri Jawani.
Chahe Tu Aab-e-Kausar Yeh Farsh Pe Bola Le.
Zam Zam Ke Aab Se Bhi Yeh Pyas Ko Bhuja Le.
Asghar Ne Phir Bhi Apne Rab Ki Raza Hai Mani.
Bhai Ke Gham Ne Amma Hai Mera Chain Chena.
Yeh Bain Kar Rahi Hai Khiyam Mein Sakina.
Asghar Ke Baad Kis Ko Lori Hai Ab Sonani.
Shabbir Keh Rahe They Ab Dair Na Lagao.
Umm-e-Rubab BiBi Meri Madad Ko Aao.
Maqtal Mein Ladlay Ki Haye Qabar Hai Banani.
Maa Boli Aab Ka Na Ran Mein Sawal Karna.
Gar Teer Marey Zalim Gardan Ko Dhaal Karna.
Khud Teer Kha Ke Rakhna Mehfooz Sheh Ka Jani.
Sab Pursa Daar :MOHSIN: Ro Ro Ke Keh Rahe Hain.
Aal-e-Abba Ke Gham Mein Jo Ashk Beh Rahe Hain.
Kar Lein Qabool BiBi Ashkon Ki Yeh Rawani.
Poet: :Mohsin Riyaz Mohsin:
Noha Khuwan: :SM Taqi Rizvi:
Noha Volume: :SM Taqi Rizvi 2026-27:
Composition: :Azhar Ali Bilu:
#AsgharTeriKahani
#NohayLyrics
#tajpoint
Asghar Teri Kahani SM Taqi Rizvi Lyrics In Urdu 2026 Write Up Poster Image
