Khuda Khair Karey Lyrics In Urdu and Roman Urdu
خدا خیر کرے
Oss Taraf Zulm Pe Aamadah Zamane Walay.
Iss Taraf Sare Muhammad Ke Gharanay Walay.
Kaun Kis Ka Hai Tarafdar Khuda Khair Karey.
Karbala Ho Gayi Teyar Khuda Khair Karey.
Yeh Qayamat Ke Hain Aasaar Khuda Khair Karey.
Rooz-e-Ashor Hawaon Se Barasta Hai Lahu.
Lut Gayi Kis Ki Yeh Sarkar Khuda Khair Karey.
Yeh Tu Mumkin Hi Nahi Hai Keh Jhuka Dein Sar Ko.
Kya Karein Sahib-e-Kirdar Khuda Khair Karey.
Bhai Jate Hain Khuda Hafiz-o-Nasir Keh Kar.
Behnein Kehti Hain Yeh Har Bar Khuda Khair Karey.
Woh Jo Ghorey Se Gira Sath Girey Mashk-o-Alam.
Na Alam Hai Na Alamdar Khuda Khair Karey.
Kitne Sadmay Hain Jo Sajjad Ko Sehney Hain Abhi.
Beriyaan Hoti Hain Teyar Khuda Khair Karey.
Aaj Bhi Seeno Mein Zindah Hain Hussain Ibn-e-Ali.
Sara Aalam Hai Azadar Khuda Khair Karey.
Aane Walay Youn Hi Aate Rahein Rozon Pe Sada.
Kam Na Ho Aap Ke Zawwar Khuda Khair Karey.
Sheh Ke Matam Mein :HILAL: Aisi Fiza Gaunj Uthi.
Hoye Larzaan Dar-o-Dewar Khuda Khair Karey.
Poet: :Hilal Naqvi:
Noha Khuwan: :Nadeem Sarwar:
Noha Volume: :Nadeem Sarwar 2019-20:
Composition: :Nadeem Sarwar:
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
